早兩日我無啦啦生眼挑針, 左眼又紅又腫, 肉酸到要請病假 (相信老闆會體諒既).
好彩問左醫生, 佢話唔會傳染, 我可以繼續對田鼠b又攬又錫!
喺我瘋狂熱敷下, 仲極速消腫添!
前排見到燒腩仔媽好有心機織蝴蝶頸巾俾燒腩仔, 搞到我心郁郁.
不過我唔識織蝴蝶位, 所以都係諗下就算.
但人就係咁 (又或者得我先係咁)...
偏偏喺我生緊眼挑針既時候, 黐起條筋, 好想織好想織.
諗起燒腩仔媽之前俾埋條頸巾教學link我.
開黎一睇, 心諗應該唔太難啫.
屋企又咁啱有n年前既剩餘物資, 天時地利都有晒.
但點知一織就出事.
原來我唔記得自己唔識呢樣同果樣, 驚險百出, 幾次都差啲要拆過再黎.
最後半夜三點先完成, 成個人頭昏腦脹, 兼有啲鬥雞.
製成品望落又肥又短...
第二朝俾田鼠b試戴, 真係唔夠長呀.
佢仲要唔肯戴, 要我又呃又tum.
最後迫佢戴足一日, 由朝戴到晚.
 |
| 蝴蝶變心心 |
同一時間, 我決定再接再厲, 織多條!
自以為有早一日既經驗, 今次會易啲.
點知一樣難度爆燈...幸好最終都順利完成.
就係咁, 田鼠b突然多左兩條頸巾...
黎緊幾日轉涼都唔怕喇!
 |
| 咁啱兩條都係紫色. 我都唔知原來自己曾經咁愛紫... |
:)
;)
:D
:))
=))
:-h
=D7
:-bd
:x
:-*
:P
:(
=((
:-O
X(
:-q
:((
~X(
@-)
:-w
7:P
=P~
:7
B-)
;;-)
:-B
好好好有心機呀...田鼠b一定lum死者, 哈哈~
回覆刪除錯喇, 今朝佢又唔肯戴.
刪除我要用武力解決問題 :-w
田鼠媽你己經好勁喇, 我應該望完個教學都一頭霧水~~
回覆刪除哈哈, 但我相信你肯織既一定織到. :-bd
刪除真係有心機呀！我。。。唔識織野。。所以覺得你地好叻！
回覆刪除你...偷懶唔肯織就真! ;)
刪除我已經放低咗N年冇勇氣再試！你果然係勁！
回覆刪除係時候重拾. 黎啦, 你得既!
刪除織野已經係我字典入面消失，你好有心機呀
回覆刪除你既字典入面而家只有"湊女", 快啲加番啲字入去啦 :-B
刪除真係湊到無哂感覺
刪除田鼠B戴左愛心牌頸巾寧舍靚仔，切野食個look好似啲好溫柔煮緊野食畀愛人（當然係田鼠媽啦），睇見都覺得冧冧 ;)
回覆刪除呵呵呵呵呵, 俾你tum到我心都甜埋.... :-*
刪除肚b爸一定逃唔出你手指la!
田鼠媽好有心機,田鼠B今個冬天暖笠笠:-bd,我由上年話織話到今年冬天都未開工~X(
回覆刪除佢地愈大要織得愈長, 會增加難度呀.
刪除想織就要快手喇 :))
嘩，好靚呀，田鼠b 一定好開心~~
回覆刪除我記得小時候好多同學仔冬天都有呢款頸巾，我果時超羨慕啊，田鼠媽媽好有心機，真的值得一讚 ^^
多謝妳呀! 嘻嘻...
刪除以前我唔明點解啲細路個個都戴蝴蝶頸巾.
而家做左媽媽先明, 對小朋友黎講, 呢款的確又方便又安全又唔易甩.
眼挑針只係熱敷，就好番?唔駛滴眼藥水?
回覆刪除睇到田鼠B帶住頸巾張相 ...=))依個星期咁凍，正好!
田鼠爸無話又要一條嗎?又織多條比你自己呢? 一家三口一起帶出街，望到都暖笠笠!
第一個醫生俾左眼膏同眼藥水 (我唔想食抗生素). 果晚用左眼膏, 但第二朝又腫左又痛左. 跟住即睇第二個醫生, 佢都係俾眼膏我搽. 我嫌眼膏太lup同messy, 就滴左一次眼藥水 (第一個醫生俾果啲), 兼自己用滾水毛巾熱敷左15分鐘. 過左兩三個鐘, 我已經覺得隻眼無咁痛. 所以我覺得係熱敷既功效. 跟住果日做多左兩三次熱敷. 第二日已經唔腫喇!
刪除而家諗起織既過程都想死. 應該都唔會再織喇... :P
作者已經移除這則留言。
回覆刪除睇完都有d心動想織...不過yin Ba要我織既係冷衫...諗起都想死~X(
刪除冷衫...買會平啲又靚啲 :))
刪除totaly agree wiht u =))
刪除wakaka﹗你終於畀我感染咗啦﹗帶咗上身即刻靚仔晒呀﹗
回覆刪除係呀俾你荼毒左呀! :))
刪除嘩 嘩 條 溫 暖 牌 頸 巾 好 襯 田 鼠 b啊 ! 成 個成 熟 0左 仲 帶 點 書 氣 添 呀 ! 你 都 好 勁 呀 , 一 晚 就 織 好 ~~~田 鼠 爸 有 無 話 都 要 一 條 呀 ?XD
回覆刪除well. 既然有兩條, 佢戴得落都可以問田鼠b借黎用既 :P
刪除好靚好襯田鼠b啊! 佢真幸福, 有個織女媽媽~~
回覆刪除點呀, 隻眼好返哂啦?
咁你幾時織番條俾matthew仔先?
刪除好番晒喇, 有心呀! :-*