(枝野係田鼠b出世後買既, 總共用左10次都唔知有無呀陰公.)
摷番個保養書出黎, 五月先夠兩年保養期, 好彩好彩.
見佢個代理地址喺中環雪廠街, 諗住星期六朝早拎去整啦.
點知果日去之前打個電話問下, 先知原來佢轉左代理!
果邊淨係肯俾個新電話我自己打去問.
連新代理個名都要乞番黎咁制.
今朝打去終於有人聽喇!
各位曾經慕名而買百靈牌耳溫計既要留意以下新代理詳請:
利豐
沙田石門安平街2號利豐中心14/F
電話: 2686-3319
辦公時間: 星期一至五 0930 - 1200, 1400 - 1730
見到咁既office hour, 我差啲有個衝動去自薦一番問佢請唔請人.
真係好後悔當初買佢囉.
anyway, 講番星期六果日.
既然一心諗住出街, 無理由俾啲咁小既事阻撓到.
不過就改左去金鐘.
坐低食飯時, 田鼠b都幾扭計.
好快我地就明白點解...
 |
| 佢眼瞓到扭扭下計就咁瞓著左 |
佢差唔多都瞓到一粒鐘.
瞓醒我地去左香港公園睇魚, 龜, 同瀑布.
跟住去埋遊樂場.
點知貌似啱啱落完雨, 條條滑梯都有啲污糟.
 |
| 轉玩鏟沙. 第一次玩既田鼠b玩唔捨得走 |
 |
| 揸飛機 (不過個舦盤唔郁得既) |
 |
| 去埋雀鳥公園 |
 |
| 見到好多雀仔, 好得意 |
 |
| 臨走去gigasports行左轉 田鼠b應該俾個價錢牌嚇親 |
 |
| 離開時多左塊拍同波 你睇佢個樣幾得戚 |
爺爺嫲嫲差唔多次次見佢都買禮物架.
雖然我唔想鼓勵田鼠b咁物質, 但又覺得佢地兩老可能因為少見佢, 會覺得咁樣先補償到啦...
同埋今次算係有個名堂既, 就係早到既生日禮物.
:)
;)
:D
:))
=))
:-h
=D7
:-bd
:x
:-*
:P
:(
=((
:-O
X(
:-q
:((
~X(
@-)
:-w
7:P
=P~
:7
B-)
;;-)
:-B
最後張相..田鼠b好似好大個咁~~
回覆刪除老人家係咁架喇..由佢地啦~唔買佢地唔開心~hehee
一齊揀點都好過佢地亂買野既!
刪除睇來佢真係好眼訓呀~咁都訓到~~~
回覆刪除好耐無見呀! 你好嗎? 搵到新工未呀?
刪除扭扭吓訓著 @_@
回覆刪除佢訓到好似啲公仔冇晒電咁, ;-p
我諗佢真係好眼瞓 :P
刪除老人家買嘢阻唔來㗎啦，最緊要買同收嘅都開心
回覆刪除咁又係呀. 最緊要happy!
刪除犀利,咁都瞓倒!爺爺抱住佢行咪好辛苦?
回覆刪除我地坐到田鼠b醒先走 =))
刪除百靈維修搬左去沙田咁鬼遠 >_< thx田鼠媽資料！
回覆刪除唉我阿爸都係，成日買野畀肚B，有時肚B去舖頭手多拎野就走都拿拿臨畀錢，多舊垃圾都算但教壞肚B啦
仲要lunch time同星期六都唔開! 佢唔壞我都無咁激氣. 又咁鬼易壞! :-q
刪除拎起樣野就拿拿臨卑錢咁大鑊. 不過學燒腩媽話齋, 呢啲野阻止唔到既. 最緊要大家happy. :-bd
好勁呀！咁都瞓到......
回覆刪除老人家D嘢唔話得嘅，一話就好委屈o架喇！到時又係自找麻煩，唯有自己盡量適應，同喺事後同小朋友作適當嘅輔導
扮聾啞人仕最穩陣 :D
刪除係啱，我都係不聞不問架。。
刪除香港公園有剷泥玩架, 大爺實好鐘意, 等我搵日帶大爺去先..
回覆刪除田鼠b咁樣都瞓得著, 佢真係好攰下..........kakaka...
香港公園個遊樂場都幾大幾好玩!
刪除嘩，如果office hour 係working hour，我都想去做呀，田鼠媽媽記住帶埋我呀 XDDD
回覆刪除嘻嘻......^^
他朝我自薦成功, 實預埋你! :))
刪除