單字

田鼠b講野方面真係慢過人.
20個月大先識叫媽媽.
幸好進度雖然緩慢, 但都叫有.
太空話依然好多.

上個星期某日開始, 便便時會走黎我地度講"臭".
不過公公婆婆一時都唔為意, 以為佢又係講太空話.
因為佢之前痾完淨係會做手勢, 無諗過原來佢真係會講出口 (大家對佢既期望都唔高).
既然而家佢識alert大家, 係咪即係ready 戒片呢?
話晒都就兩歲, 等天氣暖番應該可以練習戒片喇卦.

近來某啲野佢鍾意淨係講單字: e.g. 婆, 公, 痛, 臭
連講野都咁懶, 唔知似邊個呢.

想要某樣野, 就會講果樣野, 然後講"好".
例如想搭地鐵或者船, 就會話 "train, 好". "boat, 好". 想食apple, 會講 "apple, 好".

以前我有小小鄙視啲家長又中又英咁同小朋友講野.
但而家發覺自己都變成咁!
原來大家都係人在江湖, 身不由己.
全中文原來唔容易架.