子女不是工具

話說, 當我得知Vanessa Mae會代表泰國出席今年冬季奧運既滑雪比賽時, 感覺說不出咁滑稽.
心諗, 泰國係咪真係無人, 要搵個小提琴手去參加滑雪比賽.
最近先得知, 原來大家只見到表面既風光, 呢位天才小提琴手係被迫出黎既, 佢有個不堪回首既童年.
而家見到佢可以終於做自己鍾意既事, 好戥佢開心, 仲有啲感動添!

呢篇子女不是工具, 作者都係基於Vanessa Mae既故事有感而發, 睇左有啲feel.
其中一段"...小兒尚在襁褓，這陣子帶他四出拜年，親友例必無所不用其極地逗他，小兒一般也會咧嘴而笑，逗得一眾親友不亦樂乎，讓這苦悶的例行公事生色不少。然而，曾有一回小兒不願笑時，我有些焦躁，事後反省，那一刻的焦躁，實緣於自己把他當作取悅親友的工具..."

諗諗下, 係喎, 自己都有差唔多既經歷. 有時帶佢出街見人但遇著佢心情唔靚唔太合作既時候, 自己都不期然會覺得煩躁起黎.

俗語有云, 己所不欲, 勿施於人. 何況自己都討厭成為他人既工具. 篇野提醒左我, 做人父母既責任係養育, 同時訓練佢成為一個有獨立思考能力既人. 並唔係要控制或者為滿足自己既私欲去規劃佢既人生. 當然, 點樣去拿揘一個平衡點都係一門大學問.

獨立思考緊既田鼠b: 媽媽, 提子好好味, 可唔可以日日食呀?