珍惜

屋企既大家姐 (喪b) 早幾個月開始有啲咳.
我地以為佢食左啲毛, 又或者凍親, 所以都不以為然.


直至12月尾帶佢去獸醫度打預防針, 醫生check到佢個心有雜音.
再帶佢睇多兩個獸醫都係咁講, 唔到我地唔信.
不過根據獸醫所講, 心臟病喺好普遍既小型狗老人病.
食藥都唔會好番, 不過會令佢舒服啲, 同有助延續佢既生命.
所以星期六開始俾佢食心臟藥 fortekor (每次要用粒零食包住, 扮treat).

星期六帶喪b去睇醫生途中

食左兩日藥, 喪b明顯好轉, 仲定左同乖左好多, 真係好神奇.
而家諗番起佢前排咁燥 (幫佢沖涼剪指甲時勁惡), 都可能係因為個心唔舒服.
我當時淨係識得鬧佢添. bad mommy.
見佢有明顯改善, 個心都舒服番啲...

平時喪b見到田鼠b係走夾唔抖既...
每當田鼠b想抱佢, 都被佢以極速金蟬脫殼走甩.

但尋晚田鼠b抱佢, 喪b無拒絕, 仲係咁錫田鼠b.

tum到田鼠b好開心!

兩姊弟難得地痴纏.

呢晚喪b好俾面

喪b, 你記住乖乖地長命百歲呀.

要陪住田鼠b成長, 陪佢讀書架!

雖然話養得狗狗, 預左會有離別既一日.

但我真係唔敢去諗太多.

點都好, 人生無常, 珍惜眼前人/狗.