3號奶粉大比併

田鼠b本來食開holle牌奶粉.
後來因某啲原因 (因為媽媽懶, 嫌holle難溶, 又嫌佢紙盒裝麻煩, 又唔想每次訂好多盒咁屯貨喺屋企), 決定轉雪印 .
點知連雪印都開始缺貨, 搞乜呢.

諗諗下, 既然而家佢乜都食得咁滯, 奶粉都無理由要食死一個牌子.
於是把心一橫, 開始俾田鼠b試唔同牌子既3號奶粉 (多數係贈品, 有啲自己買), 順便做番個summary俾大家參考下.

Holle
德國牌子. 有機奶粉. 可能因為無賣廣告, 所以唔夠其他牌子hit, 無缺貨, 唔洗同人爭餐死. 價錢正常. 味道正常.
缺點: 藥房無得賣, 好難溶, 包裝(外紙盒,內兩袋錫紙) 有啲麻煩
結論: 啱唔懶既媽媽


牛欄
味道正常. 價錢平 (相比其他), 易溶.
缺點: 為佢提供乳清蛋白既恒天然集團曾經出事
結論: 試左幾日only. 暫時覺得都食得過


雪印
味道正常, 價錢仲維持喺1字頭, 易溶.
缺點: 近期加價好密, 有時仲會缺貨. 
結論: 食得過


美素
佢既最大賣點應該係自家製農場. 易溶.
缺點: 好大陣假呍呢拿味. 人地sample送一罐, 佢就cheap cheap 咁送幾包仔, 略欠誠意
結論: 唔鍾意隻味, 唔會買


美贊臣A+
易溶.
缺點: 貴兼經常缺貨, 呍呢拿味重. 極受水貨客歡迎. 
結論: 諗唔到原因要買佢.

Illuma
夠豪氣 (咁貴都送成罐sample)
缺點: 有小小難溶. 貴人地兩倍. 食完都唔知何解.
結論: 諗唔到原因要買佢.


惠氏
因為喺婆婆屋企試, 所以no comment.

總結:
雖然話乜牌子都可以食. 但由於每個牌子既沖配份量都幾唔同下, 呢個6匙, 果個4.5匙, 次次唔同會好亂. 原來stick to 一個牌子係咁解!

媽咪呀, 邊隻奶粉食左會夠高望到個瀑布架?