根據近期既觀察, 22個月大既田鼠b極有可能已經踏入呢個階段.
開始樣樣say no, 同愈黎愈多莫名其妙既執著.
例如每朝起身唔肯換片, 唔肯換衫, 唔肯著鞋.
原因不明.
朝早出門口時又會堅持帶啲野.
毛公仔, 車車呢啲細件野都算喇, 有時偏偏揀個最大既吹氣波, 勸佢換個細啲既仲會發脾氣.
禽日朝早要拎汽球, 今朝拎球拍 (好彩我臨走收埋左個乒乓波), 鑊鑊新鮮, 估佢唔到, 唔到我唔投降.
有時仲會一出門口就扭抱添, 然後一抱起佢就陰陰嘴笑.
夜晚去婆婆屋企接佢時, 又會唔肯走喎.
同樣又要拎番樣野走 (請留意, 呢樣野未必等於佢朝早拎出街既野).
總之每日要同佢鬥智鬥力, 軟硬兼施, 出盡法寶.
睇左啲有關文章話, 呢個時候做父母既要更加寛容對佢地, 等佢地可以順利渡過呢個反抗期云云.
好, 作為一個慈母, 我會努力既.
-----
題外話.
星期六被田鼠b既鐵頭功撞到左邊面.
痛到我標晒眼水, 不停嗌痛.
不過當時見到佢都眼濕濕.
唔知係我既反應嚇親佢, 定佢個頭俾我塊面撞到痛.
總之我要安慰番佢轉頭.
到今日我塊面都未消腫, 啲瘀仲開始滲出黎.
鴛鴦面加瘀黑色, 十足十整容失敗咁既樣!
 |
| 媽媽塊面咁...真係no eye see 咯... |
:)
;)
:D
:))
=))
:-h
=D7
:-bd
:x
:-*
:P
:(
=((
:-O
X(
:-q
:((
~X(
@-)
:-w
7:P
=P~
:7
B-)
;;-)
:-B
yin b既鐵頭功都唔惹少咖, 我有次都俾佢撞到塊面,
回覆刪除腫痛左兩三日呀..
今日撻瘀變左青黃色 =))
刪除我個女二十個月大都已經係咁，我真係嘔血，日日講No way, 食野又Fing 哂d 野落地，又成日要抱，唔中意就lur 地。救命呀。。
回覆刪除呢期仲會指定要我抱...救命呀... @-)
刪除我今晚先畀燒腩仔個頭撞咗落我下巴到，痛到叫晒救命，勁驚總有一次會畀佢撞甩D牙呀
回覆刪除terrible 2我係朋友個仔身上見識過，都唯有軟硬兼施忍忍忍啦，到咗兩歲半會有明顯改善㗎啦
唔知點解佢地個個都試得鐵頭功架..
刪除聽講過完terrible 2, 仲有trouble 3 :-B
我都聽聞過 terrible 2 㗎恐怖。我驚我會頂唔順。。。
回覆刪除唔洗驚, 實輪到你. 但煮到埋黎你就頂到架喇! :D
刪除我未搵terrible 2 資料，原來係咁呀?真係terrible!
回覆刪除我前晚第一次比一仔撞到咀損，隔一陣又再撞多一下，傷上加痛
張相好有新年氣氛呀!
其實係由佢18個月開始, 小小野就發脾氣 (而家呢樣又好啲), 又難tum...
刪除一仔無咩??
張相係青衣城, 佢仲有cute版12生肖.
依排多了發脾氣會掃d玩具落地下，算係嗎?
刪除但轉頭分散佢注意力就無野，係一仔爸唔識轉，係都要繼續罰一仔。
刪除一仔爸咁嚴格. 我地都係盡量分散佢注意力. 覺得佢咁細, 罰得黎無咩意思, 佢都未必明
刪除我個仔都係, 勁執著, 你快D查去"於"膏, 新年要靚靚呀~~
回覆刪除今日變左黃色, 新年前點都會好番卦!
刪除唔怪之你尋日話比人打瘀咗啦。。
回覆刪除小檬今朝都要拎隻公仔出街，仲要係牛龜咁大隻嘅識行巴C，救命呀！
點解會要抱架？好在小檬好肯行（咪講）
仲指定要我抱果下慘...
刪除只要小檬唔洗你抱, 拎咩出街都由佢啦...
聽完你咁講完全令我念起龍BB 表哥個陣又係咁(其實佢而家5歲間中都係咁), 吾通依D就係小朋友共通點, 對付佢地真係吾比D耐性都吾得!
回覆刪除我琴日都比龍BB 鐵頭功撞到個嘴腫左, 不過好彩已經消左腫! 田鼠媽都要快快好返!
對付呢啲小魔怪, 我地做媽媽既真係要美貌與智慧並重呀 :D
刪除我都成日俾佢撼爆個嘴, 流左幾次血... :X(
我諗terrible之後重有trouble, horrible, unforgettable...出現,
回覆刪除煮到埋黎先見招拆招啦, 大家加油呀!
hahahaha, 你講得無錯!
刪除actually, 佢而家已經集terrible, trouble, horrible, unforgettable於一身! =))
我都試過比妹豬嘅鐵頭功撞到個咀流晒血 :((
回覆刪除terrible 2嘅威力真係唔講得笑,睇完我都有啲驚自己到時應付唔到~X
其實都無想像中咁terrible...
刪除之前聽過話有啲細路會喺街lur地. 果啲我真係唔識handle!
我覺得佢地有時仲好野蠻添啵...總之要幾麻煩就有幾麻煩.
回覆刪除有時對得小b耐, 都真係不得不舉手投降.
尤其係朝早趕住出門口, 唔好煩, 最緊要出到個門口, 要乜都俾佢!
刪除睇到你地啲comments 攪到我依家好驚呀:p
回覆刪除哈哈, 嚇親你添!
刪除俾定個心理準備, 唔係個個有terrible 2既...我估 :P
我個仔都係 明明以前好易話為 而家連訓訓下覺都無那那發脾氣話要出廳玩
回覆刪除細佬出世之後情緒仲更加飄忽
唉
細佬出左世喇?! 恭喜晒呀!!
刪除豬仔脾氣咁溫和, 我相信佢係錫細佬既, 俾小小時間佢適應下啦.
咁你幾時post啲相出黎啫? 唔夠時間既話唔寫野都得架!
兩 歲 開 始 有 自 己 主 見 又 想 自 己 in control 真 係 幾 terrible架 ~=X
回覆刪除如 果 出 街 一 定 要 帶 樣 玩 具 , 可 唔 可 以 俾 兩 樣 佢 揀 , 等 滿 足 0下 田 鼠 b?
試過兩隻手拎住唔同野俾佢揀, 佢兩樣都唔要, 走去拎其他野. @-) 我有啲懷疑佢係為左say no 而say no.
刪除又試過搵樣野同佢換, 佢要拎埋果樣出街!
怕怕咯...
今朝又拎個大大個既波出門口喇 :-w
哇瘀埋咁厲害!! 希望早日退瘀! 我仔未夠兩歲都好會扭計... 希望 terrible 2 不太 terrible!
回覆刪除撼過幾次落個嘴流血添...
刪除未必個個有terrible 2既...我估.
見到田鼠B同Hannah B都開始terrible 2，我都覺得有啲驚驚，不過以肚B進度，佢應該到3歲先會terrible 2 :))
回覆刪除嘩鐵頭功，唸起都覺得痛呀 @@
哈哈哈, "到3歲先會terrible 2"呢句好好笑呀!
刪除媽媽好返哂未呀? 以妳性格應該要拎個瘀樣去嚇田鼠B, 等佢唔好咁trouble嘛 :P
回覆刪除仲未好番...已經成個禮拜, 仲係又青又黃呀 :(
刪除佢真係好麻煩, 而家朝早出門口要搞好耐!