兩母子的星期二

平時幫手湊田鼠b既婆婆公公早兩日雙雙病倒了...

臨時臨急好難搵人, 我索性請假一天湊仔.

兩母子過二人世界! yeah!

朝早食完早餐, 就帶佢落樓放電.

地下執到樹葉都好開心

踢波

  

著住最心愛既車車鞋

食包包

玩泡泡

本來玩得好地地, 點知佢開始黎料.
自己玩緊既足球唔要喇, 又唔俾我執, 係都要人地果個.
點講點tum都唔聽, 咩都no咩都唔要, 結果爆喊收場.

我要拖住佢離開傷心地...
但行行下佢又唔肯行喇喎.
哼, 唔理佢, 我轉身離開, 佢咪又死死地氣咁一路喊一路跟埋黎.
路上有人帶住"我明既"眼光望住我微笑, 亦有人帶住奇異眼光望我.
好彩我面皮都唔薄啫!
最終佢走到我身邊開聲要抱抱, 我就乘機叫佢收聲, 然後先抱起佢行番屋企.
晨運就此告一段落.

番到屋企食左個apple就一齊瞓晏覺.
瞓醒1點鐘, 落街食mum mum.

田鼠b好欣賞呢杯焦糖horlick

食飽飽番屋企睇書, 玩lego, 打下波.
再落番樓下.

換左對鞋玩scooter
(唔知點解佢著住呢對藍色鞋玩scooter會玩得好啲)

呢張相佢行得好直, 好有都敏俊si feel呀 (有人身中劇毒...)

孝順仔陪媽媽買野又幫手拎野
影相時"勿動"

呢晚佢好合作, 8點到就瞓著, 我總算鬆一口氣可以休息下.

曾經, 有一剎那閃過請工人既念頭, 不過都係一閃即逝.
雖然成個人散晒咁滯, 但內心卻好滿足.
咁簡單又充實既一日, 比起番工真係有意義得多呀!