100日

田鼠b大概從兩個月開始, 會對住我笑, 又成日"鶑咕咕"咁講野...
現在已經100天大的他, 笑多左, 講多左野, 好鍾意睇書, 可愛到不得了.

當然麻煩野都仲有....

佢會一路飲奶一路瞓 (especially最後果30ml), 仲要點搞都唔醒, 個嘴係咁易郁下俾你睇, 其實無飲到既.
有時tum佢飲晒最後果30ml要成個鐘...真係怕怕.
睇書話過左三個月, bb會識得咩叫飽, 食量有機會跌, 但只要跌得黎個人夠精神都ok.
我都懷疑佢其實真係食唔到咁多.
所以我決定今日開始 to end our agony, 每餐只俾120ml, 佢唔夠先再加.

另一樣野就係仲未完全戒到夜奶.
按照schedule, 飲完夜晚10點果餐, 佢應該可以瞓到第二朝6點.
但每隔幾日, 佢就會喺d weird hour嗌肚餓.
有人話可以俾水佢飲, 又或者由得佢喊.
不過佢唔鍾意飲水,  同埋三更半夜由得佢喊即係你自己都唔洗瞓.
更何況佢可能真係肚餓都未定.
所以我一係埋身幾分鐘, 一係俾60ml佢飲, 佢亦好快瞓得番.
當然, 我打從心底裏希望佢快d戒夜奶, 俾我有覺好瞓!

至於我自己, 唔知點解, 過去呢個禮拜奶量急跌.
可能飲少左湯水?
本身已經係窮媽, 而家雪上加霜, 仲要就黎番工.
真係唔知仲堅唔堅持到.
不過我點都會盡力而為, 因為我好like埋身時同bb果種親密感!