情人

咁多年黎, 除左阿媽之外, 讚得我靚最多既就係james blunt.
不過而家後繼有人喇.
情人節前夕, 我食食下飯, 田鼠b望住我講"媽媽著到好似公主咁靚".
身穿短褲既我無暇理會真假 (說話既野, 最緊要啱聽), 即刻攬住佢黎錫.

好喇, 到左情人節既朝早, 佢又望住我講"媽媽好似公主咁靚".
咦, 阿仔呢兩日唔通食左誠實豆沙包?
然後心情美美咁帶住佢出發去動植物公園.

識得玩, 一定喺車上先養精蓄銳

嘉道理農場 - 睇花

聽聞呢期嘉道理有櫻花睇, 星期六終於的起心肝帶田鼠b去.
果度車位有限 (好似得10個到), 我地book唔到, 一心諗住去到違例泊車 (shhh....衰野唔好學呀).
不過去到, 門口位伯伯竟然話有位俾我地.
原來有人book左既車位, 過晒鐘都未到, 就可以"執雞".
真係好好彩!

睇花要上山, 除非好好體力, 否則搭佢既車 (3歲以下免費) 係最佳選擇.
張飛會mark住上山坐既班次.
落山時就要睇下到時架車有無位喇, show下張飛就可以上車.

正宗行山發燒友
未行已興奮

海洋公園2014

又係一年一度享受公司福利時間, 今年去我至like既海洋公園. yeah!

星期日朝早10點鐘黎到公園門口, 溫暖既陽光, 加唔算太多既人流, 感覺良好.

對噴泉瀑布類情有獨鍾既田鼠b
喺門口已經好開心

露營 - 西貢灣仔

秋高氣爽, 最啱戶外活動.

今次我地揀左去露營.

地點係西貢灣仔 (西貢市中心搭94號巴士到黃石碼頭, 再轉船), 兩日一夜.

出發前喺西貢食左個all day breakfast
雖然餐廳環境好似唔錯, 但味道就...

這個十月

不知不覺成個月無update個blog添, 而家先知原來自己好愛香港.

咁田鼠b呢期又玩啲咩呢?

去片!

返屋企痾臭臭

星期六帶田鼠b搭船船出中環.

離遠望到呢個摩天輪

田鼠b即刻話"坐呢個! 好似dora姐姐". 

原來佢至愛既dora姐姐其中一個故事有提過.

不過個摩天輪好似未正式開.

high tea

某日出左中環.
想搞搞新意思, 唔想淨係行斗斗城同商場, 就黎到香港海事博物館.
不過喺reception望入去好似唔係好啱田鼠b行, 唔想嘥錢買悶.
但一場黎到, 索性去佢樓上間cafe坐下啦.
果度人唔多, 但又好坐啲cake又好味, 有驚喜!

仲有花花添

long weekend

未到六月, 天氣已經熱成咁.

實在返工不宜.

好彩有個long weekend鬆一鬆. 

同田鼠b一齊吃喝玩樂 (但其實仲攰過返工...).

黃昏既沙灘特別多人

消暑活動

炎炎夏日, 唔想匿喺屋企.
去游水或者沙灘又嫌麻煩.
黎到馬灣公園諗住喺樹蔭底下行下山.
但唔知自己個腦諗乜, 著短褲又無搽蚊怕水.
搞到好似去左鬼屋咁, 全程不停咁拍"嬲"埋黎手腳上既餓蚊 (忍住無尖叫, 因為唔想嚇親田鼠b).

新寵 - 沙灘

ladies, 有無興趣同我飲杯野?

發癲

星期六一早出發去醫院探朋友同佢既初生bb.

田鼠b成日話要搭大架boat, 呢日就專程帶佢搭boat.
點知坐低後, 架船未開, 佢已經話要"出去".
然後開左無耐, 就唔肯坐窗口位, 話"驚驚".
真係bear一聲...
不過好快佢就受唔住引誘, 坐番黎窗口位, 係咁望個大海.

撈金魚@葵涌廣場

禽晚帶左田鼠b去葵涌廣場撈金魚.

$25 玩10分鐘, 之後仲有份禮物仔.

個阿姐俾左兩個撈我地 (尼龍質地, 唔會穿既).

另外擺左個有水既盆仔喺隔離.

佢示範撈左一條金魚上黎, 叫田鼠b 用撈接住之後再放落個盆仔.

之後就正式開始.

行山 - 青衣

禮拜日見難得咁好天, 興之所至決定帶田鼠b去行山.

不過我地毫無準備, 竟然連水都唔記得買!

又搭錯車, 無端端要行多段路.

田鼠b一落車就唔肯行要扭抱.

好彩跟住行經部汽水機, 雖然佢虧虧地又食錢, 但都出到枝水.

見開頭開得咁衰, 我心諗, 可能今次又要半途而廢 (之前已經試過一次...).

終於去到門口
田鼠b跳跳紮
貌似好ready咁喎

東涌噴泉

星期六去左東涌探朋友.

田鼠b不甘留喺場邊
點都要抽番幾板

相聚一刻

星期日約左兩個舊同事去另一個舊同事既會所玩.

出發前番食粒士多啤梨補充體力

香港公園

話說, 年29果日田鼠b發燒, 先發覺婆婆屋企個百靈牌耳溫計壞鬼左.
(枝野係田鼠b出世後買既, 總共用左10次都唔知有無呀陰公.)
摷番個保養書出黎, 五月先夠兩年保養期, 好彩好彩.
見佢個代理地址喺中環雪廠街, 諗住星期六朝早拎去整啦.
點知果日去之前打個電話問下, 先知原來佢轉左代理!

青衣公園

以前以為秋天先有紅葉, 但原來冬天都有.
想睇青衣公園 (青衣城有條行人天橋直達) 既紅葉好耐.
星期六終於成事. yeah!
難得呢日天氣好好, 見到藍天, 又有陽光, 啱晒!
現場人頭湧湧, 好多人喺度湊熱鬧.
連平時得啲白鴿聚集禿禿地既草地都有人舖晒地墊野餐.

呢度既紅葉集中喺河邊一排.

就係呢排喇!

有barney既生日會

星期日田鼠b又參加生日會.

根據主人家講, 呢個生日會只限有小朋友既家庭參加.

唔合資格既, 連family members都唔會通知.

兩個蛋糕都咁靚!

再遊disney

公司福利, 上個月頭迪士尼一日遊.
不過田鼠b當日不在狀態, 呆足一日.

朋友家的聖誕party (補寫)

話說, 聖誕果日去左朋友屋企bbq.
其中一個驚喜環節就係中途有聖誕老人既出現 (我諗除左屋主同呢個"聖誕老人"之外, 個個都好surprise!)
佢一hohoho咁出場, 當場好有氣氛!

第一次見到聖誕老人既田鼠b, 好明顯有啲受驚.

但見在有禮物收既份上, 免為其難都影番張合照啦

不過之後佢竟然肯錫番個聖誕老人, 又真係估佢唔到!