2018年7月27日 星期五

搵小學


Oh dear, blog發晒霉仲生埋青苔, 過黎抹下掃下塵先, 順便寫寫幫阿仔搵小一有血有淚既故事...

話說, 佛系既我哋由頭到尾乜直資私立都無報過, 好老定咁一心諗住自行已經攪得掂.
所以11月尾既自行失敗, 殺我哋一個措手不及, 果下有啲慌有啲亂.
周圍咁搵人傾搵人問果日先至攪得清咩叫111呀陰公(唔好鬧我!)
好喇, 集眾人意見, 兩公婆自己衡量過後, 就的起心肝搵屋搬喇.
無錯, 咁大個人做埋啲咁任性既野, 真係好癲 (可憐天下父母心).
搬屋其中一個原因, 當然係希望可以增加抽到既機會. 因為阿仔間幼稚園無名氣, 又係happy school, 佢又完全無上任何補習班, 真係要叩門的話估計無乜著數.
其二, 就係本身住果區既小學質數比較差齊, 分佈範圍亦頗廣泛, 遠起上黎搭車都幾金.
就係咁, 諗過度過, 我哋果斷搬咗屋.
終於真正明白孟母既感受.


好喇, 到統一派位結果出左喇喎.
, 無語問蒼天! 時不予我! why me!
始終都係要行叩門路線!
好彩, 緊張大師, 即係我, 一早已經填定晒啲form, 印定portfolio, 第一時間去交表.
Anyway, 抽到果間鍾唔鍾意都好, 都要去左註冊罷左個位先, 話唔埋, 去完會鍾意間學校呢.
但偏偏, 去完交表後個感覺麻麻哋雖然校舍好大, 老師亦有禮貌, 但個校車同書商感覺都最重要係, 交通唔方便, 校巴又唔到樓下. 不過心知如果最後真係一間都叩唔到, 只有接受現實...

成件事我最關心既係阿仔既感受
人仔細細, 點解要佢受埋啲咁既壓力呢, 我有啲唔忍心.
所以我淨係同佢講, 我哋黎緊會去揀學校, 睇下啲學校好唔好, 你睇下鍾意邊間同我講呀. 啲老師到時都會問你問題, 因為佢哋都想了解下你. 你好似平時咁講野就得架喇.
除左最想入果間, 2nd  in 前我有同阿仔練過幾條問題之外, 其他5間我都係同佢講以上呢番說話. 而佢亦信到十足, 每次in完出黎都第一時間報告俾我聽鍾唔鍾意間學校.
最後in6, 3間收左佢.
我想話, 阿仔你好叻呀. 雖然最想入果間入唔到, 但我成日覺得緣份既嘢, 無得勉強.
好似溝仔溝女咁, 唔係靠努力人哋就會鍾意你架嘛.
呢幾個禮拜, 我由當初知道結果既灰爆心情到而家既坦然接受.
件事令我都成長咗呀. 
***報告完畢***

我而家既願望就係, 升小後, 放學就係放學. 做完功課就係玩既時候. 唔補習. 興趣班都係佢自己真正既興趣.

2015年3月2日 星期一

2015年2月18日 星期三

情人

咁多年黎, 除左阿媽之外, 讚得我靚最多既就係james blunt.
不過而家後繼有人喇.
情人節前夕, 我食食下飯, 田鼠b望住我講"媽媽著到好似公主咁靚".
身穿短褲既我無暇理會真假 (說話既野, 最緊要啱聽), 即刻攬住佢黎錫.

好喇, 到左情人節既朝早, 佢又望住我講"媽媽好似公主咁靚".
咦, 阿仔呢兩日唔通食左誠實豆沙包?
然後心情美美咁帶住佢出發去動植物公園.

識得玩, 一定喺車上先養精蓄銳

2015年2月12日 星期四

嘉道理農場 - 睇花

聽聞呢期嘉道理有櫻花睇, 星期六終於的起心肝帶田鼠b去.
果度車位有限 (好似得10個到), 我地book唔到, 一心諗住去到違例泊車 (shhh....衰野唔好學呀).
不過去到, 門口位伯伯竟然話有位俾我地.
原來有人book左既車位, 過晒鐘都未到, 就可以"執雞".
真係好好彩!

睇花要上山, 除非好好體力, 否則搭佢既車 (3歲以下免費) 係最佳選擇.
張飛會mark住上山坐既班次.
落山時就要睇下到時架車有無位喇, show下張飛就可以上車.

正宗行山發燒友
未行已興奮

2015年1月26日 星期一

boyhood

第一眼見到張電影poster (未知佢講乜) 已經好想睇