情人

咁多年黎, 除左阿媽之外, 讚得我靚最多既就係james blunt.
不過而家後繼有人喇.
情人節前夕, 我食食下飯, 田鼠b望住我講"媽媽著到好似公主咁靚".
身穿短褲既我無暇理會真假 (說話既野, 最緊要啱聽), 即刻攬住佢黎錫.

好喇, 到左情人節既朝早, 佢又望住我講"媽媽好似公主咁靚".
咦, 阿仔呢兩日唔通食左誠實豆沙包?
然後心情美美咁帶住佢出發去動植物公園.

識得玩, 一定喺車上先養精蓄銳

園內見到啲雀仔好開心
(無錯, 佢帶埋隻柯柏文去睇雀)

今次噴泉有開呀!

花花都開得巧令

係時候食返個tea.
呢條屋企帶黎既愛心粟米引到隔離鬼妹仔係咁lur佢mama要食粟米...

食完繼續睇馬騮

我最鍾意呢隻
欣賞佢既份量, 同坦蕩蕩既attitude

之後過埋附近既香港公園

睇左魚魚, 龜龜, 瀑布.
可惜溫室閂5pm, 去到時已經closed.
惟有喺出面玩紙飛機

晚飯喺公園入面間泰國餐廳食.
聚精會神夾花生