一日8餐

有時返緊工掛住田鼠b, 會諗下佢做緊咩, 或者食緊咩.
佢間學校個餐單都幾多元化, 日日唔同, 每個禮拜都會轉.
有時齋睇個menu我都會流口水.
有機會都真係想試下味 (好似愈講愈離題...).

雞仔袋 + 新球拍

呢個袋仔喺中環某橫街買既. $20. 條帶太長, 經田鼠爸精心修改後先啱用.

袋仔拉鍊入面會擺一包紙巾同思詩樂濕紙巾, 等田鼠b出街時自己揹住, 自小陪養佢既責任感

屋企樓下士多買既cars球拍, 一set兩塊輕身膠球拍, 跟一個迷你乒乓波同一個迷你羽毛球. $22.
不過因為係膠片面, 玩起上黎bang bang 聲好嘈.
田鼠b變左龍蝦仔

呢個座椅型水泡係舊年淘番黎既. 價錢已經唔記得左. 我鍾意佢個樣夠pro.
舊年田鼠b太細未有機會用...今年再拎番出黎玩.

我為夾乸狂

我明明成日都話田鼠b已經好多衫, 唔洗再買.
但上個禮拜又忍吾住喺gap掃左好多貨喎.
今次主攻夾乸衣, 因為覺得bb著呢啲一件頭好得意呀.
但又驚好快會唔啱著, 所以買晒最大size, 18-24mth.

有請我地今日既示範model...田鼠b!

呢啲衫好易carry架咋, 就算生到成個足球咁樣, 都一樣著得好睇.
有相為證!

日前慕名黎到ifc剛開張既pierre hermé, 買左盒大名鼎鼎既macaron.
真係睇見都流口水呀!

充滿期待既田鼠b: 媽咪, 係咪有我份架?

田鼠媽: 阿仔, 爸爸話呢, 你食左之後我哋會難餵多100倍呀! so maybe next time...
震驚中的田鼠b: ....

接受現實的田鼠b: 咁我惟有繼續啃包包啦...

小食

早兩日喺city super買左兩款零食, rusks $36, 米餅$18.

咦, 點解個包包咁硬既?

睇真啲個盒既instruction, 原來啲rusks 要浸軟先食架!


天文台真係好流, 又話weekend會落雨兼有雷暴, 結果不知幾好天 (雖然無乜太陽).
本來打算帶田鼠b專攻室內既我地, 臨時增游景點, 去多次動植物公園, 不過時間就有啲趕.
由中環行上去果條奪命斜兼樓梯級真係唔惹笑, 尤其當你推住架bb車...記得食飽飯先好行! 

去到公園既兒童遊樂場, 有個賓賓湊住兩個小妹妹, 一人坐一個韆鞦, 賓賓又要推, 又要一路餵佢地食燒賣, 呢份工一啲都唔簡單.
終於輪到田鼠b, 坐上韆鞦既佢如常咁興奮, 隔離22個月大既男仔相比起來就淡定得多.
當佢啲屋企人幫佢打氣時, 田鼠b入埋自己數, 當晒佢地係自己親人, 四萬咁口望實人地, 我變左透明人...

隔離飯幾時都特別香, 一班king julian食鐵籠外既樹葉食到dap dap聲...仲有隻king julian bb 喺度添呀!


呢日既動植物公園唔算多人, 加上天氣清涼, 又舒服, 行上黎幾辛苦都係值得既!

豐澤牌陶瓷暖風機

舊年年尾好凍果幾日我地驚田鼠b會凍親, 千揀萬揀買左部暖風機...
諗住陶瓷安全啲, 點知禽日睇報紙話因安全問題要回收... 

豐澤牌陶瓷暖風機或起火

【明報專訊】機電工程署呼籲市民停用「豐澤」牌一款型號為FCHI2012的陶瓷暖風機。署方說，在最近一次安全測試發現，該型號暖風機在不正常使用下，部分零件可能會過熱燃燒。這款暖風機在去年11月至今年3月在豐澤發售，已售約1000部，市民可聯絡豐澤安排免費更換。

已售千部 豐澤免費更換

機電署發言人表示，該暖風機在保險絲及溫度斷路器操作失敗，以及風扇電摩打處於鎖定位置時，部分零件可能會過熱燃燒。但發言人表示，3種失靈情况同時發生的機率很微。

豐澤表示，今次是個別事件，向受影響顧客致歉，並會為受影響的消費者免費更換；市民如有查詢，可於周一至周六上午9時至下午6時，致電豐澤顧客服務熱線2606 8578或2606 8678。

後記:  5月中終於通知我地　

蠟筆小生

受到blog友朗朗媽既啟發, 早兩日放工喺hallmark買左呢盒蠟筆.
呢個牌子既產品, 聲稱無毒兼易洗.

但有無毒無人敢包, 所以點都會睇住田鼠b玩, in case佢口痕.
易洗就係真既...佢畫晒出界, 連highchair個座墊都有色, 搵濕紙巾就抹得甩.


第一次揸筆既田鼠b, 好肉緊, 兼且好大力!!!


俾多枝佢, 練埋右手

親吻自己既作品

話說禽晚田鼠公公問, 點解田鼠b唔主動錫佢喎...
well, 田鼠b其實真係乜都錫, 我哋啦, 喪b條尾, 公仔, 書, 連自己幅畫都錫!
公公真係要好好檢討下喇...


收到雪印媽媽會寄黎既沙灘波, 好啱田鼠b玩呀!

"媽咪, 我第時要做亞洲michael jordan!" 

迷你麵包超人玩具

今朝番工途中經過ok便利店買既呔盤玩具.
咁迷你, 襯晒田鼠b既size.
都係果句, 麵包超人野, 唔玩得都睇得呀嘛!
(田鼠媽按: 原來手機都有景深效果)

而家田鼠b好鍾意打側個頭望我地咁玩.


呢位小朋友一早起身未梳頭, 就好投入咁研究自己既手指

"哦, 原來手指係連住手掌既..."

"媽咪, 我發現手指既奧妙喇!"

情人節禮物

禽日買左呢份貼身既情人節禮物俾我既小情人 - 田鼠b
希望佢鍾意啦! 
(田鼠c9按: $150好抵呀!)

至於我既大情人, 我就送左幾個"life"俾佢, 佢仲鍾意到不得了...

皆大歡喜. 恭喜恭喜.

新鞋仔

頭先lunch行過adidas outlet買架.
入面有一對鞋仔同一個奶嘴夾.
對鞋仔上面係一大塊過既魔術貼, 方便穿著, 尤其啱晒擁有一對肉腳既田鼠b.

雖然佢仲未識行...但見$75 咁抵, 買左先算啦. 嘻嘻... 

 

識叫mama喇!

禮拜六下晝, 不嬲淨係識叫baba既田鼠b突然好清楚咁叫左句"mama"!
自此佢就不停咁mamamamama.....

而家佢超鍾意周圍擒高擒低,  真係成隻馬騮咁...
我地全部都係佢眼中既死物, 借力時最緊要就手, 有次連我既嘴唇都唔放過!
唔夠高擒上梳化, 每次都要我地輔助佢.
但佢屢敗屢戰, 不停上上落落, 變相係我地不停陪佢玩囉...
好彩佢想落梳化時識得自己轉身用pat pat落...

而家打緊australian open, 田鼠b都不甘後人, 黎到網球場爭一席位.
有請 --- 網球小王子!
田鼠b: 攬實d個波係咪就當贏架? 好野, 媽, 我得左喇! (不過d波太新, 好多毛毛飛出黎...  )

咁好陽光唔好嘥, 帶田鼠b去露天遊樂場玩下先!


佢仲想自己爬上去...

舊玩具, 新玩法!
椰樹b大戰長頸鹿男


田鼠b愈來愈重, 抱住佢好快攰.
所以一早有打算買個腰櫈番黎幫輕下婆婆.
早幾日淘左番黎喇.
用左佢, 向外/向入/打側揹住田鼠b都得, 仲慳到好多力.
(另外見到有款mothxxcare牌, 雖然個logo靚d無咁娘, 但睇番d 用家comment麻麻地. 所以最後都係揀左而家呢款, 如果係自己用一定會剪左個logo  ).
收到之後試用左, 覺得佢個防滑做得唔錯, seat位夠闊夠硬淨, 田鼠b坐上去笑晒架!.

田鼠b田鼠爸友情示範

新玩具

剛洗完白白既田鼠b, 坐定定, 尚未意識到我地其實密謀緊點玩佢點同佢玩... 

是誰令佢望到入晒神?

 

就係個麵包超人箱仔喇...

早兩日喺759見到佢特價.
雖然未諗到點用, 但見係麵包超人, 唔用得都睇得, $69咁抵, 買左先!   

呢個伸手招佢成日出. 對住陌生人呀, 聖誕樹呀, 天花燈呀等等....
好似施展緊d神奇力量咁呀!
(個pose完全突顯佢既雙下巴)

 

跟住仲想飛身撲埋去添.