第一篤

見好多差唔多年紀既bb都戒緊片, 有啲甚至好叻叻咁已經戒片成功.
我都心郁郁想幫田鼠b戒.
不過主要都係得個諗字.


田鼠b係男仔, 想佢快啲學識企喺度wee wee, 第時出街都方便啲.
所以唔想買potty (二黎覺得potty要拎去倒都幾煩).

之前聽左同事介紹, 淘左個迷你貼牆尿兜番黎 (又韓文又英文好似好勁咁).

同事個仔大田鼠b半年, 已經用得好好.
仲可以喺人前示範添.
不過淘左番黎已經幾個月, 一路都無用武之地.

直至最近, 先的起心肝開始每日早晚 (朝早換片前, 夜晚沖涼前) 都幫佢除晒片 , 帶佢入廁所指住個黐喺浴缸邊既尿兜叫佢wee wee, 然後俾數分鐘時間佢.
每次都毫無動靜.
就係咁, 無功而回咁過左兩個禮拜.
直到今朝, 佢終於成功喺個尿兜度留下佢既第一篤尿!
感覺好驚喜!!
拍爛手掌咁滯.


雖然唔知佢下一次wee唔wee得成, 但總算係一個好既開始.

下一步, 諗住買個bb廁板番黎, 搭喺本身個廁板上面.
poo poo既話佢就直接坐上去 (當然要抱佢上去).
重點係...唔想買potty...