點知, 有日婆婆呻攰 (其實佢唔呻, 我自己都應該估到...), 不得不正視問題.
好喇, 果時已經遲晒 (近年尾), 我地又要求近婆婆屋企, 又要唔洗排隊攞form.
幸好仲有兩間有得報.
其中一間早兩個月confirm收左田鼠b, 心入面大叫好彩.
跟住就一路將件事抛諸腦後, 繼續盡情同佢玩, 叠埋心水等9月開學.
點知啱啱個星期六去學校聽briefing, 先驚聞原來佢地8月4號就開學!!
點解咁快架? 媽媽我未ready呀...
剩番一個月時間, 要買校服, 整印仔, 姓名貼紙, 同影學生相, 搵醫生填健康表...
時間無多, 果日聽完briefing, 帶埋田鼠b行左半日街.
買定白色鞋襪先 (但原來都幾難買).
 |
| 最後喺荃灣買左呢三樣 襪 - 馬莎 ($119/5對) 襪 - bossini ($70/4對, 後悔買佢) 波鞋 - puma ($31x) |
點解之前咁抗拒n班?
一黎覺得阿媽幫手湊靠得住.
二黎覺得男仔遲啲先讀書會好啲.
三黎對"贏在起跑線"呢句野好反感.
再加上開頭有個錯覺以為間間都要排隊拎form...
anyway, 但而家諗諗下, 讀n班都有佢既好處.
起碼k1唔洗煩, 果日校長講明讀n係有優先既.
屋企樓下間幼稚園, 最近取消左n直上k (要重新interview), 仲取消埋學券, 惹黎唔少民忿.
好彩唔係讀佢啫.
:)
;)
:D
:))
=))
:-h
=D7
:-bd
:x
:-*
:P
:(
=((
:-O
X(
:-q
:((
~X(
@-)
:-w
7:P
=P~
:7
B-)
;;-)
:-B
田鼠b 下個月返學真係好快, 好突然呀!
回覆刪除原來要搵醫生填健康表, 直接問醫生拎?
呢個問題， 錢可以解決到 :7
刪除其實我地幫小b報N班, 都主要係因為想婆婆多d時間抖下, 所以讀N班就係最好嘅選擇.
回覆刪除如果有人肯湊, 我覺得K班先讀書根本就唔係問題, 以前我地都係咁架啦.
"贏在起跑線"...我次次都係聽完人講就算, 我唔想迫得自己迫得小b咁辛苦, 而且跟好多同齡嘅小朋友去比較, 小b都已經輸左lu, 因為佢亞媽我無俾佢返playgroup, 又無不停教佢英文, 只係不停咁俾佢玩.
playgroup我地都無返呀. 而家我地要做既就係相信學校同老師. 要對佢地有信心. 唔係既話到時佢返學我地一定心掛掛....
刪除覺得男仔遲啲先讀書會好啲 > 點解呀?
回覆刪除睇左本書叫"如果教好男孩子"(咁上下), 入面既理論係咁. 話男仔讀書方面發展會遲過女仔好多, 同一年紀入讀一比較之下男仔一定會差啲, 可能會有反效果會令佢更抗拒讀書云云.
刪除咁當然有例外啦, 但我見田鼠b又唔係特別醒, 所以都覺得跟番本書無壞
都唔一定，我細佬一向讀書都好過我，我有時會問番佢添 ... 可能我特別啲
刪除嗯, 你應該係special case. 一係你細佬特別醒, 一係就... ;;-)
刪除其實返n班都係玩, 冇d野係學校學得快但屋企又未必教到佢的, 第時返學佢覺得好玩開心就冇所謂啦~
回覆刪除我而家當託兒咋.
刪除不過實在好難認同當今教育制度.
n美其名係k1預備班, play group又話係n1預備班.
咁樣一路一路tun前, 想點?
作者已經移除這則留言。
回覆刪除咁田鼠B真係好快返學喇。。
刪除唔好比啲傳媒嘅"報導"嚇親，比小朋友讀N就係"贏在起跑線" (頭先打錯字 =p)
其實返N又唔一定係為學術嘅，學吓同其他小朋友信處，守秩序，有師長觀念。。。都係喺屋企學唔到嘅
我開始唔理人點諗，自己覺得啱就做，冇人比自己更清楚仔女嘅情況，又或者
個個家庭背景，成長環境唔同，諗法都唔同，冇話絕對嘅對與錯！
puma要三百幾咁貴嘅，我好似買咗like二百幾
btw我喺花園街買白襪仔，唔知好冇著呢!
點解bossini唔好呀？
我之前經過荃灣一田見百一蚊一對白波鞋都有喎，因為要買兩對我唔諗住買有牌子，同埋我都想知點解bossini唔好呀？
刪除bossini對襪一比馬莎果啲就覺得好硬 (大家都係全棉). 橡筋位睇真啲唔係純白而係黃黃地色既, 另外有一對個邊位仲要已經"披"左! X(
刪除檬媽, 你對like有無豹豹先?
燒腩媽, 之前喺吉吉島買過一對平波鞋 (都過百), 著兩次就爛. 鞋我而家唔敢貪平, 同埋佢日日都著同一對, 又跑又跳, 買對舒服既好緊要. 大人都係架, 著住對舒服既鞋心情都好啲. :D
好快就開學喎! 希望田鼠b鍾意間學校啦~~~
回覆刪除同埋一齊為做非怪獸家長努力!
我諗細路既適應能力俾大人強好多
刪除實不相瞞, 而家我仲緊張過佢! :P
同你一樣，原先覺得唔使返N，最終都係畀佢讀，但我哋間係無得直升講明要再in，即來緊都要努力搵K啦﹗
回覆刪除八月就開學實在太快啦，燒腩仔係細仔，生日後第二日返學我都唔係好捨得呀﹗
係啦唔知點解明明覺得無需要, 最終都係要返.
刪除雖然平日唔係我湊, 但我都唔捨得呀, 可以想像你既心情!
無得直升就煩啲. 不過當俾多個機會你搵間更好既學校啦.
n班都未開始, 但我見有啲人已經開始報k1!! 而家做家長一啲都唔簡單...
唔知係咪聽得贏在起跑線多，我依家都覺得好煩討厭
回覆刪除只可以話如果有人用呢句黎sell野, 對我黎講會有反效果囉...
刪除講起呢個問題我又"毓民" 上身, 好激動 ><
回覆刪除其實我哋嗰個年代都冇n 班架啦, 呀媽嗰代仲可能幼稚園都冇, 都一樣人才輩出, 反而依家社會上出現好多高分低能, 啲辦學機構搞到個風氣好似唔讀好蝕咁, 搞到人心惶惶, 講到尾, 對佢哋嚟講都係商機, 係錢, 真係超冇良心囉
但最慘係, 生活喺呢個社會入面, 縱使唔情願, 都要跟呢套咁怪獸嘅遊戲規則, 好無奈呀
生活喺香港都好無奈, 見唔到出路.
刪除我都想掟杯呀.
移到民好移喇
果日我真係想叫呀表舅父帶呀檬返加拿大呀。。。
刪除加拿大好呀, 叫佢帶埋你成家過去啦!
刪除agree, 好唔想玩呢個遊戲，但又唔玩唔得！
刪除好難獨善其身
刪除蛇仔明媽講晒我心聲呀，之所以我之前其實堅持唔想燒腩仔返N㗎，不過說服唔到身邊人唯有順應民意
刪除嘩，田鼠B 返N 班，咁一定溝死女了，嘻嘻.....^^
回覆刪除呢位媽媽, 乜...返學唔係求知識架咩? ;;-)
刪除咁突然嘅，點解咁細個都咁早開學架？
回覆刪除真係好突然! 我都仲未消化到.
刪除不過頭三日叫做適應期, 番一兩個鐘, 家長陪住 (但學費要交足...)...之後慢慢加鐘.
九月起叫做正式返
年尾仍有学位>好羡慕啊！
回覆刪除8月4返学，好快呀！
依間可以直升K1，幾好喎！
那係半日班嗎？学校会幫戒片嗎？
果次同一仔打水痘針，順便請医生填麻，免費呢！
刪除全日班黎架. 而家幫佢hea戒緊. 唔得既話都無辦法. 到時學校啲ee會幫佢換片.
刪除證明水痘針食水幾深 :))
刪除Hm...唔好將醫生既好心講為"食水深"啦! 個醫生真係好nice嫁，打完針有車仔送比一仔添! 好過有d醫生再另收填表錢呀!
刪除講笑咋, 唔好嬲啦! :P
刪除我都以為你吾會比田鼠B讀N班tim.....不過既然去讀，咁就努力讀書呀！！
回覆刪除應該係返去玩咋. 睇返佢地個日程表, 唔係食野洗手就係玩, 有戶外, 有戶內. 中間仲有三個鐘頭係瞓覺時間 (唔知佢瞓唔瞓到呢...)
刪除恭喜田鼠B有N班讀！我都好抗拒"贏在起跑線"，我覺得小朋友都要輸下亦得要輸徥起，不過讀N班除左等佢開始學習下群體生活（對肚B，尤其希望佢學講野添），亦都係想老人家冇咁辛苦呢~
回覆刪除田鼠媽都買齊野啦，我間學校仲未交錢買校服添呀
淨係買左鞋同襪咋.
刪除要黎緊呢個星期六先買校服呀.
睇黎都係得Yin B無報N班了~唯有努力d同佢出去玩多d學多d先得~
回覆刪除我始終覺得n班唔一定要讀, 自己湊得掂更加唔洗讀.
刪除雖然入到去實學到啲野, 但遲啲學都無壞.
咁你k1搵左未?
搵左好幾間啦~依家係等佢地幾時派表咋~
刪除good luck!
刪除我有間心儀既N班學校，話9月開學后再打電話去問呀!
刪除各媽媽都開始準備就緒, 我一樣都未買TIM, 點解後悔買左bossini 襪AR?
回覆刪除咁老定? 幾號開學呀?
刪除bossini對襪一比馬莎果啲就覺得好硬 (大家都係全棉). 橡筋位睇真啲唔係純白而係黃黃地色既, 另外有一對個邊位仲要已經"披"左!
其實個個家庭背景都唔同., 好似婆婆話辛苦. 就要搵N班減輕佢ge辛勞了!!
回覆刪除係呀. 佢開到聲, 一定係頂唔住. 我做女兒既, 應該早啲查覺就真 :(
刪除等田鼠B抵抗力好D，餵佢食魚肝油打好底子，開開心心上學去！加油！
回覆刪除係喎, 我都聽過返左學特別容易病...
刪除