正確黎講, 應該係喺田鼠b個case黎講, 讀n班好過留喺屋企.
其中最大既原因係, 平時好似好easy going既婆婆, 呢期突然百彈寨主上身.
對學校樣樣不滿, 樣樣彈. 不停俾說話我地聽.
成日喺田鼠b面前講啲"好心痛","好慘"之類既說話.
又話人地有個雙非三歲先讀n班, 言下之意係田鼠b早左入學.
又話人地n班半日千零蚊學費之嘛, 言下之意係我地俾人搵笨.
呢度聽啲果度聽啲, 佢究竟有無求證過架.
聽得多真係火都黎, 兼壓力爆燈.
好明顯田鼠b返學, 婆婆需要長啲既適應期.
不過佢既真情流露, 令我覺得田鼠b更加應該返學.
對大家都有好處.
返左幾個禮拜學, 田鼠b開始講多左complete sentence, 仲獨立左添.
前日我帶佢落會所歎冷氣. 俾佢拖左入羽毛球場睇人打波.
我睇到有小小肚餓同口渴 (其實係悶親), 但佢係咁話好睇, 唔肯走.
我惟有叫佢喺度等我, 自己行出去買零食, 佢都無問題喎, 比著以前肯定會黐實我囉.
可能佢終於習慣左父母唔一定要常伴左右喇!
不過另一方面, 佢都曳左. 呢期喺屋企成日掟野玩.
lego, 停車場俾佢周圍掟, 掟上櫃頂, 掟落電視機後面...
 |
| 成副曳樣 罷晒成張梳化, 好爽 |
 |
| 田鼠b最新作品 |
 |
| 屋企又多左個籃 |
:)
;)
:D
:))
=))
:-h
=D7
:-bd
:x
:-*
:P
:(
=((
:-O
X(
:-q
:((
~X(
@-)
:-w
7:P
=P~
:7
B-)
;;-)
:-B
其實返n班都唔係咁慘者...我見小b返左一星期學已經深深愛上左返學, 仲開心過係屋企對住婆婆喎.
回覆刪除我估係田鼠b婆婆唔慣少左時間同個孫玩, 所以先咁多說話俾你聽者.
唉, 我而家好怕同佢講野呀
刪除其實返學咁多野玩又點會慘呢.....可能無左田鼠b呢個玩伴陪佢, 佢覺得悶先咁多不滿..
回覆刪除佢可能覺得間學校無一對一咁服侍田鼠b待薄左佢 @-)
刪除我奶奶而家被迫要湊2個孫，佢反而成日叫我第日K班要比我仔讀全日TIM...=.=
回覆刪除其實全日幾好架. 食完飯午睡下食個tea都差唔多放學喇. 不過你果間好似無全日喎
刪除哎呀...嘮嘮叨一定好煩了，不過係婆婆都好d，你可以話下佢，母女咩都可以講....哈哈
回覆刪除個籃好高啊.........
一早忍唔住話左啦.
刪除而家佢會無啦啦喺隔離歎大氣, 滿腔冤鬱咁 :-w
好明顯D 老人家唔捨得個孫... 我都唔會理架, 自己同老公覺得OK就得啦, 慢慢佢地會接受~ 唯有由得佢講啦
回覆刪除要講既都講左, 真係唔理得咁多喇.
刪除不過好想佢放過自己囉....
婆婆覺得慘，係覺得自己慘，因為冇左個孫陪自己？都要畀少少時間婆婆適應o既，始終一個對足兩年幾o既寶貝孫呀，好彩田鼠B冇畀婆婆說話令到唔鐘意返學咋！
回覆刪除田鼠B返個幾星期講野就有咁大進步，叻仔呀！佢個作品，係大笨象嗎？
婆婆覺得佢返學係受苦, 相信放左學只會愈來愈縱佢...
刪除早兩日田鼠b喺屋企又亂掟野, 我教訓左佢幾句, 佢開始喊. 無意中俾我瞥見婆婆當時個表情, 簡真係慈禧太后上身呀! :-O
幅畫...應該係大笨象卦... :D
刪除第一時間諗到叫你生多個比婆婆湊咪得囉，嘻嘻嘻嘻嘻！
回覆刪除不過婆婆突然間對小個可能會吾慣，慢慢啦！
繼"細路仔唔好俾佢喊咁多"之後, 佢又發明多句名言"食飯時唔好俾佢喊咁多" :-w
刪除小朋友一返學真係馬上成熟唔少, 另外都希望婆婆盡早適應啦~~~
回覆刪除btw, 追月夜快樂! :)
多謝!
刪除希望所有人都快啲適應啦. ;;-)
仲以為係婆婆想田鼠B返學先返tim...
回覆刪除外面聽D聽D真係會洗腦架...婆婆有冇講原因點解覺得心痛&慘?
睇田鼠B佢都好鍾意返學又學到好多野:)當婆婆見到田鼠B開心返學又冇stress就會慣喇~ 俾D時間&耐性la~~
女人心, 海底針. 你都估佢唔到呢...
刪除總之佢對間學校就嫌呢樣嫌果樣, 無野睇得順眼 ~X(
個籃洗吾洗咁高呀?
回覆刪除婆婆bla bla bla又真係幾煩, 好在田鼠B鍾意返學吾係多得佢吾少!
佢好like呀, 仲話"好似哥哥射籃" (應該係指籃球場上果啲...)
刪除啲梵音真係好惡頂呀, 令我有一剎那既軟弱諗過不如唔返算喇唔好煩. 不過一閃即過, 而家覺得返係絕對正確! B-)
拿拿臨搵間有獨立廁所，香薰美容，body 馬沙池嘅幼稚園比田鼠B啦。唔係呀百有唔肯過你呀
回覆刪除講漏左一對一專人服侍喎
刪除有得番俾婆婆抖吓都唔得?!不過佢應該都係唔捨得田鼠B姐~
回覆刪除前幾日我奶奶先問我仲有幾多日年假..仲問可唔可以番到明年9月先放~
跟住佢話到時我最好要請1個星期去睇住Yin B..怕Yin B開學扭計佢搞唔掂..= =""
老人家係緊張d啦~哈哈~(唯有自己過濾下d說話囉)
我覺得佢而家唔係抖緊, 而係掛住諗啲無謂野, 收埋啲無謂風囉.
刪除你99咁早諗定一年後既野, 果然有遠見 :))
當初唔係婆婆呻辛苦，想田鼠B返学嗎？
回覆刪除婆婆唔駛湊田鼠B，多了時間乱收風呀，或者比田鼠B K1轉番半日班，不然，Mrs Wu提議生多一個比婆婆湊都好丫:P
全日班其實只不過係半日班+午睡+tea.
刪除有得返我都係會揀全日...
其實自己湊唔到，要俾工人或老人家湊，我情願小朋友返N班，因為起碼可以學吓規矩，無咁trouble同terrible，哈哈！
回覆刪除以前仲以為有老人家湊已經好好, 咩都無諗.
刪除太天真, 太naive!
我自己湊所以都明婆婆感受，忽然無得日對夜對個孫點都會唔捨得，我都擔心燒腩仔開學之後我會有咁嘅諗法，希望燒腩仔返得開心令我改觀啦﹗
回覆刪除都係既...
刪除咁你而家開始慢慢調節自己既心態, 等到時易接受啲啦 :D
芊芊既婆婆嫲嫲反而想佢早d返學呢!
回覆刪除其實佢地兩歲已經識叫悶, 日日對住同一個人, 比佢地返學校玩下食下仲開心啦~
應該搵芊芊既婆婆嫲嫲同田鼠婆婆傾下偈 :D
刪除返左幾個禮拜學, 田鼠b開始講多左complete sentence, 仲獨立左添
回覆刪除好叻仔呀，我都希望波哥可以～～
老人家多數都唔捨得～好快就會適應到～
其實我都明既...以前婆婆可以同個孫由朝玩到晚, 而家就得返放學後果兩三個鐘...
刪除不過睇見田鼠b日日咁進步, 佢都應該明白返學對田鼠b黎講係件好事