笑話一則

話說近日我同田鼠爸都覺得田鼠b重左好多, 抱起佢會覺得墜手到不尋常.
今朝田鼠爸喺屋企決定磅一磅.

田鼠爸 + 田鼠b = 19x 磅
田鼠爸 = 16x 磅
delta     = 33磅!!!!!!!!!!!!!!!
33磅 = 15kg!!!!!!!!!!!!!!!!!!!!!!!!!!!!!!!!!!!!

田鼠爸好肯定好sure咁話自己無睇錯, 又話16x的確係佢既磅數.
呢個時候我犯左一個錯 (同十幾年前一樣), 就係信晒田鼠爸...
而無去double check個磅既reading...

結果自己喺公司擔心左成朝...驚個仔痴肥, 大個左容易有心臟病糖尿云云. 
但同時又百思不得其解....
明明田鼠b日日跳跳紮, 運動量一定夠, 佢望落又唔係肥呀... 唔通仲有好多poo poo喺肚入面?

點知晏晝田鼠爸再打俾我, 話佢用附近診所既磅, 發覺自己係17x磅, 而唔係16x 囉... 
呢個消息可能對自以為仲好苗條既田鼠爸係一個如同噩耗既打擊, 但我就真心鬆一口氣了!  
原來覺得田鼠b愈來愈墜手只不過係因為我地既手瓜唔夠力咋!