進展

禮拜六, 一個人喺屋企湊住田鼠b, 俾啲新野佢玩先.

想開始訓練田鼠b自理既能力, 生果時間係個好timing...
今次準備左啲白肉桃駁李 (之前食開果啲爽口既, 唔知點解今次呢批好似啤梨咁淋, 好啱bb食).

咦, 第一次自己拎住隻羮既田鼠b似模似樣咁喎.

好似真係識得"but"咁喎...(其實係我從旁assist  )

當佢慢慢拎起隻羮時, 仲以為有機啦.

點知轉頭隻羮就已經去到額頭咁高 

玩左好耐, 玩到啲桃駁李都氧化左...

歎緊粒桃駁李既田鼠b: "hmm...手指拎應該會快啲..."


食完晒之後田鼠b一路都唔肯放低隻羮, 要拎住喺手.
哈哈, 可能佢都覺得又新奇又好玩! 

(田鼠媽按: 呢款richell吸盤碟好似吸得唔係幾實..)

finally...

一路當所有玩具都係得敲擊用途既田鼠b, 突然開窍, 開始玩放野入窿既遊戲!
感覺好amazing呀, 正當我哋放棄左教佢既時候, 佢就突然識喇! 

落到會所時都仍然係咁敲呀, 扑呀...


呢日, 我犯左個錯...
就係低估左田鼠b既重量 (高估左自己既臂力)...
無出動bb車, 就咁抱佢落會所.
點知一放低佢就即刻雙臂酸軟, 真係打波都無咁快.
一路酸痛到而家呀陰公...