打一歲針

禽日田鼠b番咗健康院打一歲針 (肺炎鏈球 + MMR).
我同田鼠爸都請咗假陪佢.
因為約既時間早 (08:45am), 成個過程大概一個鐘就搞掂.  正!

除剩條片片磅重: 9.6kg
度高(自己度): ~76cm

跟住見姑娘. 問左我地一連串有關田鼠b發展既問題.
e.g. 有無自己拎住隻杯飲水, 心情靚時識唔識簡單指令, 拖住行唔行到5, 6步等.
田鼠b樣樣都算on track.
即場仲要試範用兩隻手指拎星星餅 (左右手都分別試). 但姑娘強調粒星星餅唔知有無過期, 所以田鼠b有得拎無得食... 

最後, 田鼠爸突然殺出條問題, 問姑娘點睇有無過度活躍症 (事緣要追溯番陀緊b時既我, 時不時會飲可樂, 有次俾人話咁會令個bb有過度活躍症...有人聽完就上左心...).
姑娘答話呢樣野要4歲到先浮出黎, 現階段睇唔到住.
佢只可以答我哋田鼠b一定無自閉症囉. 因為佢果日好俾面, 成日望住個姑娘笑, .

不過田鼠b今次打針就無之前咁叻, 打完第一枝已經爆喊...出到房都仲喊緊. 
我哋要出動私伙星星餅.
好彩食物對佢黎講萬試萬靈!

趁田鼠b平復緊, 我就去藥房攞退燒藥啦.
"咩名?""田鼠媽""bb個名喎"(好唔耐煩兼大聲地)"田鼠媽囉!" 
(dead air 兩秒後) "aiya, 唔好意思呀...係田鼠b..."

拎完藥, 田鼠b已經瞓著左...