科學館半日遊

喺放科學館啲相之前, 要繼續披露田鼠b既另一面.
(不過已經唔記得佢喊乜了...hehe)

今次帶田鼠b黎到科學館, 我地決定每人買一個半年pass ($50/人, 包乜館物館, 實有機會去到).
4歲以下既bb都可以免費入場.

被科技震懾既田鼠b...(有個5-6歲既男仔行過黎, 從後摸左一下田鼠b個頭, 阻都阻唔切...佢係咪當左田鼠b圓圓既光頭係呢個科技球?  )

睇緊恐龍骨, 被呢個姐姐截住左.
衝埋黎指住大嗌"bb呀!"
田鼠b心諗: "想點呢?"

黎到"鏡子世界", 唔太多野玩, 不過影相一流.

"好多個我呀!"


想爬過黎我呢邊


high到係咁拍拍拍


好快就驚動到個保安嬸嬸走埋黎大大聲用普通話 "不能拍! 不能拍!"
原來當左我地係自由行...
哈哈, 你太睇少我地香港人喇! 

個保安嬸嬸本來好緊張, 點知見到田鼠b就笑番晒.
我地喺隱身鏡影相時好落力幫手撩佢...
田鼠b都同佢say hi


跟住仲好好人咁介紹呢道果道...果然係一位盡忠職守既好員工.

呢個叫"幻彩影子", 效果都幾得意. 田鼠b好似想扮超人咁!


呢塊拉長哈哈鏡, 扮苗條一流. 不容錯過!


頂樓有個"兒童天地", 不過名符其實只啱"兒童" 玩, 田鼠b得個睇字.

好似向呢個半空中既波波朝聖...你睇佢個樣幾儍.


要喺無野之中搵野玩, 呢個轉轉轉都係佢遊戲既一種.

喺"生命科學", 見到呢個一個月大既胚胎. 覺得好amazing... 

科學館其實仲有好多野玩, 不過啱bb既就唔多.
大人自己去既話, 淨係個數學館都有排玩, 甚至兒童天地入面都有野啱玩! 應該可以玩耐啲!
要同bb影相的話, 除左"鏡子世界", 仲有"電訊廊", 果度有個位可以俾你扮新聞主播, 地下有移動激光圖案俾bb追住.

不過, 如果要餵bb食野就真係無乜地方可言.
一係排育嬰室.
一係喺入口處汽水機前有幾張枱櫈, 但會被啲上網人仕, 教功課既家長長期霸左. 要好好好好彩先有得坐低...
所以玩半日差唔多喇...