上集出街食飯講到前個禮拜佢已經喺餐廳扭計要食包包.
啱啱呢個禮拜六帶佢出街食飯, 本來好地地 (可能因為枱面未有其他野食), 但唔知係咪有啖粥太熱"辣"親佢.
吞完果啖爆喊完, 佢就全程扭計...
當我嘗試再餵, 佢就仲出動"抹枱手", 一副橫掃千軍既姿態, 我拎住支羮既後果不難想像...
我地果日真係要幾矚目有幾矚目.
之後佢一啖粥仔都唔肯再食, 要過隔離買排包包番黎先可以擺平.
不過呢次無吹凍啖粥, 係我地唔啱先, 算.
夜晚番到屋企, 佢又乖乖地好快咁食晒自己既粥仔喎!
但輪到我地食野時, 佢又黐埋黎唔肯走開.
我俾左啖食緊既酸辣湯佢飲, 諗住可以辣退佢, 點知佢飲完竟然再番黎搵我!
再俾多幾粒士多啤梨佢, 食晒又繼續黐埋黎...究竟佢識唔識得個飽字點寫架?!
最後我狠心地俾左幾滴tabasco佢, 佢當堂塊面又紅又黑咁喊左一輪, 飲左好多水, 果餐飯都無再過黎搵我喇.
但禽日禮拜日出街飲茶, 佢食左幾啖粥仔之後, 啲點心開始黎, 佢又黎料, 指東指西咁要食.
好明顯唔記得左tabasco既教訓啦!! 最衰我又無隨身携帶...haha, just kidding la!
我地出盡法寶, 用酒樓既羮餵, 用筷子餵, ... 足足餵左半個鐘佢先食晒啲粥仔!
唉, 點算呢點算呢? 以後帶佢出街食飯點算呢?
唔通真係下下要喺屋企食完野先出街?
定係索性以後同佢一齊食埋同一樣野算呢?
枉我花咁多心思去煲粥仔
:)
;)
:D
:))
=))
:-h
=D7
:-bd
:x
:-*
:P
:(
=((
:-O
X(
:-q
:((
~X(
@-)
:-w
7:P
=P~
:7
B-)
;;-)
:-B
田鼠媽原來你咁有心機帶埋粥仔俾田鼠b食咖
回覆刪除好早Yin b 就已經同台食我地大人野食啦~每次放假出去食野前我地都喂飽左佢先~
之後出到去..我地有咩可以俾佢食都俾佢, 佢係唔見到我地食完佢都唔會收口囉..我
都唔知佢個胃到底有幾大...
[田鼠b回覆04/29/2013 15:56:25]包包暫時都幾work. 禽晚喺屋企食飯, 俾左個包仔佢自己拎住食, 一路都無煩過我地!
我同事話佢地係好奇多過覺得啲大人野好味喎...唔通我要整啲有眼耳口鼻既公仔飯團佢先肯食??
[sandychan0902回覆04/29/2013 15:04:09]其實有時我都唔想Yin B食咁多味精野..不過有時出街又真係好難避免到~
由其我地都有個大食仔~
[田鼠b回覆04/29/2013 14:06:18]係呀, 帶埋粥仔出街架. 諗住愈遲俾味精野佢食愈好呀嘛! 點知個衰仔唔領情, 哼!
無辦法啦，隔離飯係香D嘅，唯有睇吓大人嘢食有無咩啱佢食畀佢一齊食啦
回覆刪除[田鼠b回覆04/30/2013 09:46:02]隔離飯香是永遠的真理
係咪出街多野八卦所以唔專心食呢？本來肚b屋企食粥都ok，等我仲滿有信心咁有次帶粥仔去阿爸度餵，點知肚b唔肯食！見你咁講，我梗加唔敢響街餵佢食粥仔啦
回覆刪除[田鼠b回覆04/30/2013 09:46:46]只要枱面無其他野食就ok...我估
算數啦，我個個weekend煮完我個女都吾欣賞，我D心思一早比佢收左皮，而家佢都係吾食，我地出街見我地食又心思思要食，所以有時比下麵包呀，薯仔呀，等等....不過飲茶又真係少D選擇，我比下腸粉佢食，哈哈！
回覆刪除嘩，你真係好勁，忍心比佢食tabasco 佢食！
[田鼠b回覆04/30/2013 09:47:27]tabasco不知幾好味, 我俾啲好野益佢咋!
你比一仔爸更狠心呀，可惜轉头田鼠B已唔記得！
回覆刪除我地会叫d包、齋肠、清淡的白飯及麵比一仔食，佢食得好开心嫁。
[田鼠b回覆04/30/2013 09:48:27]俾tabasco佢狠心過夾佢手咩? 唔係卦!
我只係心痛自己花心思煲既粥仔無人欣賞啫...
其實matthew都係一樣為食架! 絕招係一定要趁其他食物上檯前, 先餵飽佢, 咁樣佢只會試兩啖就算~~
回覆刪除[田鼠b回覆05/02/2013 09:31:43]hahaha, 各有各好, 各有各問題la!
[Mrs. Wu回覆05/01/2013 01:00:29]無錯，絕對認同
[Yan回覆04/30/2013 12:11:03]其實為食的bb唔算頭痛架啦, 媽媽氹下佢就OK, 最煩係唔肯食野的bb呢
[田鼠b回覆04/30/2013 09:49:20]好, 我下次叫野食之前餵佢食晒啲粥仔先!
我都係餵大人野佢食，有時唔肯食都幾頭痕！
回覆刪除所以都係帶定d蛋糕仔同奶、以備佢不時之需。我都試過比wasabi個仔食
佢果時得幾個月，一食完停咗一陣
之後大喊，重成個頭伏落個咕𠱸度
笑到我同佢老豆c呀！
[田鼠b回覆04/30/2013 16:12:30]嘩, 你仲狠心過我
咁tabasco惹味啲
WOW你好狠心, 竟然俾tabasco, 我個仔又係見到大人野就唔駛自己野, 所以我地出街食, 會餵完佢先上菜~
回覆刪除[田鼠b回覆04/30/2013 16:55:27]tabasco係就係辣左小小, 不過好惹味呀...
下次都要餵完先叫野食. 不過如果同其他人一齊就...
俾 tabasco?? 之 後 再 攞 出 0黎 有 無 驚 0左 ?
回覆刪除不 過 有 可 能 食 多 幾 滴 就 食 過 返 尋 味 ~~~
我 通 常 都 係 餵 0左 bb妹 食 粥 先 出 街 ...或 0者 等 佢 食 先 我 0地 先 叫 野 食 ...不 過 到 最 後 佢 都 會 食 少 少 大 人 野 ...
[田鼠b回覆05/03/2013 09:31:39]雖然我鍾意食辣, 但唔食得太辣!! wahahahahha
[M & M回覆05/03/2013 09:16:41]地獄拉麵! 原 來 田 鼠 媽 都 係 食 得 辣 之 人 !! 就 算 田 鼠 b唔 愛 辣 都 會 俾 你 訓 練 到 出 0黎~
[田鼠b回覆05/02/2013 09:31:01]無, 因為當時我係想佢以為食緊我食既野, 所以無俾佢睇支tabasco..
tabasco咁好味, 食過番尋味真係唔出奇呀...遲啲可能愈辣愈過癮, 可以帶佢去食地獄拉麵!
我地禽日出街時都諗住餵完佢先叫野食. 點知佢都係唔肯點食, 唔知係咪知道我地坐低左就會叫野食呢... 唉, 以後可能都係要喺屋企餵埋先出街喇! 我唔介意佢食大人野, 其實仲方便, 不過想佢食完粥仔先囉...
我仔又係，出親都係勁為食，我地食咩佢又想食咩
回覆刪除所以我都係喂左佢食粥先再比佢食大人野
[田鼠b回覆05/02/2013 10:59:33]我諗佢地都好奇心大過天! 好彩屋企仲好乖咁食. ..
haha, 為食田鼠b~一係下次叫d佢都可以食o既野, 預埋佢一份啦~
回覆刪除[田鼠b回覆05/02/2013 14:10:10]而家都諗緊, 一係以後唔餵粥仔, 叫啲佢啱食既野. 一係就喺屋企餵完先出街
我地近呢幾次同tarebaby 出街, 都係比麵包佢食, 都有諗過如果冇麵包既餐廳咁點好呢 (有次其實係比左少少飛碟佢食, 不過太硬, 佢食唔到, 有得妹下都算啦!), 有次去酒樓食晚飯, 比左少少魚tarebaby 食, 好彩有叫條魚, 如果唔係都唔知比咩佢食先好.
回覆刪除我覺得就算tarebaby 食飽左, 佢都會攪下我地, 睇下有冇得食, 所以食唔食飽出街可能冇咩關係.
[田鼠b回覆05/03/2013 14:37:51]其實我唔介意佢食大人野架...provided that佢要食晒我煲既愛心粥仔先!
你可以袋定啲方包出街俾佢食喎. 我地呢兩次都係靠包包解圍