獅子會

禮拜六出發前, 田鼠b喺屋企既chok樣 (好似扮緊大隻佬!  )

chok

我地下晝2點幾到達西貢獅子會自然教育中心.
門口有好多旅遊巴, 有啲離開緊, 有啲啱啱到, 通常都係車啲公公婆婆.
天色好靚, 太陽伯伯好勤力呀呢日, 所以田鼠b都要戴番頂太陽帽.

行入去先見到有地圖, 原來開放時間到下午5點咋.

啲展館仲4:30pm就close.
入去歎冷氣最正. 不過田鼠b太細, 展館對佢黎講意義不大 (其實係我無興趣睇落去就真 )
展館旁廁所既地下有啲濕, 著住人字拖既我唔夠膽入, 要發揮忍功.

經過種植園

黎到聰鳴茶座, 我地食小小嘢叉電, 田鼠b就喺度整蠱做怪

佢好鍾意衝落斜路

呢張"驀然回首"我好鍾意! 


佢唔係想打關斗, 而係企唔穩跌低左

上斜有啲吃力

入到樹林, 田鼠爸又同佢玩飛天遊戲

雖然太陽伯伯收左火, 但大家都已經行到成身汗, 田鼠b要除左件面衫.
本來想除埋條長褲, 但又驚多蚊蟲, 所以都係算啦.

夜晚喺西貢食海鮮, 我地如常地被"坤", 又早到左.
不過好彩之前去一去獅子會都叫順路, 唔係既話山長水遠仆到入去先發覺早人地成個鐘到我會好"興"囉.

晚餐時田鼠b有幸食左幾啖龍蝦, 同蒸魚. 佢似乎都幾鍾意食海鮮.
本來諗住可以俾佢試下白灼蝦, 可惜原來無叫到...

禽日母親節, 成日都落雨咁滯, 我地無出郊外玩.
夜晚就去左商場shopping...不過係for 田鼠b.
對新買既new balance佢已經著咗上腳喇! 


之後, 為左令自己有個更美滿快樂既母親節, 我靈機一觸, 叫田鼠爸帶佢去斗斗城放電.
自己行左一陣街...兼買左小小嘢...