然後我滿心歡喜地捧住碗愛心粥黎到佢面前.
結果...佢竟然...一啖都唔肯食!!! 係一啖都唔食!
火起上黎, 我起身拎番碗粥入廚房!
即刻爆喊
扭計既指定動作 -- 扮咳 (好似好可憐咁...)
最後由田鼠爸充當好人打圓場, 拎番碗粥出黎, 田鼠b都識趣咁乖乖食晒.
之後我地去左葵芳, 點知果度既水池維修緊, 室外遊樂場又開放得一小部份, 連大眾書局都超迫人.
等食中...
見出師不利, 我地惟有增遊景點去埋青衣圖書館.
果度既兒童圖書室都幾大幾多書.
可能見到好多小朋友同書書, 田鼠b好興奮, 當正自己去左遊戲室.
佢係咁摷啲書出黎, 擺喺地下, 望下封面又摷過第二本出黎, 全場走黎走去兼大聲叫.
仲兩度輕拍隔離啲哥哥們既手同人地打招呼...
呢日咁啱同一橦政府大樓既室內運動場有排球比賽舉行緊.
就係咁, 田鼠b第一次正式現場睇比賽呀!!
估唔到場男子季軍賽都幾精采, 好似女排咁, 有來有往, 有組織, 有扣殺, 有瞓身救波.
睇左一陣田鼠b已經想融入我地.
我地拍手時佢又拍, 唔應該拍時佢又拍, 好攪笑!
好彩現場既人聲同咇咇聲夠嘈, 唔係我地可能會俾人怒啤...
:)
;)
:D
:))
=))
:-h
=D7
:-bd
:x
:-*
:P
:(
=((
:-O
X(
:-q
:((
~X(
@-)
:-w
7:P
=P~
:7
B-)
;;-)
:-B
田鼠B第一張同一仔扭計時個樣好似!
回覆刪除扮咳!HAHAHA
點解佢開頭唔肯食既?
[田鼠b回覆05/27/2013 16:43:34]我估佢見到碗入面係粥仔, 而唔係佢最鍾意既cereal with 生果, 所以唔肯食...不過都係估...
依家d小朋友真係...
回覆刪除Yin B食野都無以前咁聽話了, 食左2-3啖就eerr..左扭右扭,都唔知佢想點~
btw~田鼠b睇運動比賽睇得咁投入, 唔通佢想做運動健將!?
[sandychan0902回覆05/29/2013 11:00:41]梗係有!!所以平時我地都係喂左佢食飯仔先,
之後到我地食飯時再俾d菜佢食~都唔知佢個咩胃黎既~
[田鼠b回覆05/27/2013 22:22:21]咁佢有無死lur要食大人野呀?
田鼠b應該係四肢發達型, 行運動呢條路線無錯架喇
幾好喎, 妳地兩公婆一唱一和連到戲, 咁樣就可以令田鼠b珍惜每次開餐的機會了~~
回覆刪除[Yan回覆05/28/2013 21:50:32]下, 咩理論黎架??
[Gen回覆05/28/2013 14:45:42]尖叫代表健康，好新顈喎
[田鼠b回覆05/28/2013 10:07:37]仲有好多似是而非既理論, e.g. 尖叫代表健康
[Yan回覆05/27/2013 23:02:58]好明白, 老人家點會俾個孫受丁點委屈丫... matthew都快俾佢地寵到壞哂啦!!
[田鼠b回覆05/27/2013 22:24:11]如果淨係得我地在場就易搞啲. 加埋啲老人家就...成件事會變得好複雜!
我有時都喂粥仔喂到超炆...我BUY你O既做法..HAHAHA
回覆刪除[田鼠b回覆05/28/2013 10:11:38]真係唔俾啲顏色佢地睇都唔得!
以前佢食野超乖, 而家愈大愈要求多多...
陽光男孩田鼠b做乜咁慘慘？原來曳曳唔食粥仔，佢扮咳好似真咳咁喎，谷到塊面紅晒！肚B有時都會，好似想作嘔咁mark大口之後打呵欠
回覆刪除[田鼠b回覆05/28/2013 10:54:30]而家要叫佢烏雲密佈b!
肚b打呵欠好似作嘔咁?
喊得好淒涼呀...
回覆刪除[田鼠b回覆05/28/2013 10:57:40]扮野佢最叻
周圍去好好呀~ 我都要PLAN多D地方去先得~
回覆刪除[田鼠b回覆05/28/2013 11:53:04]佢地識行識走後出街會易玩啲!
嘩佢竟然肯乖乖坐定睇比賽?
回覆刪除[田鼠b回覆05/28/2013 14:52:09]佢仲好enjoy tim! 我都估唔到...初時我驚佢入場會嘈住其他人, 點知一入到場見咁嘈都安樂啲, 因為又人聲又咇咇聲, 隔離場仲有女子賽打緊
現場睇排球比賽幾好喎~
回覆刪除[田鼠b回覆05/28/2013 14:52:21]都係一個意外驚喜
好想知田鼠b等啲咩食,等到頸都長
回覆刪除[田鼠b回覆05/28/2013 14:52:47]等啲唔係俾佢食既野
個個bb都識扮咳避食呢一招^3^
回覆刪除[田鼠b回覆05/28/2013 14:54:44]佢今次係扮咳避鬧
跟本就係你嘅鬼計等田爸去餵，你就去風流快活。
回覆刪除睇嚟而家慈父嘅角色多過慈母喎~
睇你嘅post先記得我地都去咗圖書館但未寫post添。。
[田鼠b回覆05/28/2013 14:54:01]你地去左邊間圖書館?
扮咳都真係扭計指定動作喎﹗好彩有爸爸係到收科，唔係要自己硬住頭皮再餵就真係無癮﹗
回覆刪除[田鼠b回覆05/28/2013 16:21:42]扮咳似乎個個b都識, 仲要壓低把聲咁喊!
咁做咩初初田鼠b 會唔食嘅 ?
回覆刪除"扮咳" <--真係好似好慘咁喔.....
[田鼠b回覆05/29/2013 13:00:41]我估佢見到碗入面係粥仔, 而唔係佢最鍾意既cereal with 生果, 所以唔肯食...
佢扮咳, 我只係覺得好笑囉...
睇左一陣田鼠b已經想融入我地.
回覆刪除我地拍手時佢又拍, 唔應該拍時佢又拍, 好攪笑! <-- 樂也融融XD
[田鼠b回覆05/29/2013 13:01:23]
我個女成日都吾食，我都費事睬佢，食到幾啖算好彩，哈哈！
回覆刪除有波睇都幾好喎.....同BB去既地方一定要夠嘈，哈哈，如果吾係就有好多奇怪既眼光架啦！
[田鼠b回覆05/29/2013 13:02:29]唔洗錢, 又可以同個場咁近, 仲好睇過女排!
扮 咳 0甘 奸 0既 ?
回覆刪除尋 日 我 臨 出 街 都 做 0左 第 一 次惡 媽 媽 ! bb妹 突 然 扭 眼 瞓 抱 又 唔 係tum又 唔 係 , 俾 我 扮 大 力 放 低 佢 0係 床 大 聲 指 住 同 佢 講 "你 曳 曳 你 自 己 留 0係 屋 企 唔 帶 你 去 街 街 曳 曳 呀 !"...嘩 ! 之 後 即 爆 喊 住 叫 媽 媽媽 媽 !真 係 心 都 痛 埋...
[田鼠b回覆05/29/2013 13:04:44]咁之後點收科呀? 我對住阿仔已經算叫做有耐性, 但耐性有quota, 爆quota時都要惡一惡先得.
bb妹平時扭計無扮咳架咩?