禽晚放工去阿媽屋企接田鼠b, 開門果陣聽唔到喪b既吠聲, 已經覺得不妙.
一入到屋, 就見到平時通屋走既喪b俾阿媽抱住.
然後阿媽話喪b成日都唔知邊度痛咁, 行得好慢, 又成日無跳過 (對一隻松鼠狗黎講, "跳"同"吠"等同佢既生命).
仲話田鼠b照樣走去恰佢 (惡行包括走埋去對住佢尖叫, 大力拍佢, 摷亂狗糧, 掟波入水兜!)
我即刻連田鼠b都唔理, 就走去抱住喪b.
望住比平時定一百倍既喪b, 諗起呢隻咁多年黎帶俾我同屋企人無限歡樂既小狗, 自覺過去呢一年真係忽略得佢好緊要.
果一刻好內疚, 好驚佢有事, 好想即刻帶佢去睇醫生.
個腦又開始亂諗野, 唔知佢係cancer定腳痛(舊患), 醫生check唔check到呢, check到又有無得醫呢 (因為老狗唔太適宜麻醉做手術).
又諗緊weekend要推左朋友約會帶佢去睇醫生.
臨走前, 我醒起都係時候幫喪b剪指甲.
基本上屋企除左我, 無人夠膽幫佢剪 
點知一剪完, 佢就成個精神番, 仲行得快左添!
原來之前係因為指甲太長行得辛苦!!!
真係有驚無險, 大家都鬆一口氣! 
不過呢件事提醒左我要對喪b好啲before it's too late! 佢下個月就12歲喇!
:)
;)
:D
:))
=))
:-h
=D7
:-bd
:x
:-*
:P
:(
=((
:-O
X(
:-q
:((
~X(
@-)
:-w
7:P
=P~
:7
B-)
;;-)
:-B
好彩咋...真係嚇死呀
回覆刪除早3年我隻B痾血...個次我真係喊餐死...
我都唔知有日佢走左我會點...
最內疚係..生B呢年真係少理左佢好多...所以我而家狂教我仔一定要錫佢
[田鼠b回覆07/05/2013 14:02:49]之前見過隻松鼠24歲仲喺度呀!
喪b要以佢為目標!
[小東回覆07/05/2013 12:21:43]會呀..仲係狂痾..一路行一路痾TIM
希望啦..史納莎好似多病痛D..而家個心已開始退化..有雜聲
係呀，我睇喪B真係唔似老狗呀...好精神..我樓下有個松鼠成19歲先去架...
[田鼠b回覆07/05/2013 12:17:13]腸胃炎會痾血架??
8歲仲後生, 唔洗擔心. 小型狗會長命啲!
喪b塊面無乜變白, 個個都唔信佢已經12歲!
[小東回覆07/05/2013 12:13:12]有呀，原來係腸胃炎...之後TOUCHWOOD未大病過
但佢已經8歲了...望住佢開始老真係驚><
[田鼠b回覆07/05/2013 12:10:19]痾血咁大鑊! 咁有無睇醫生?
我都好驚呢一日...我想佢陪住我個仔大呀!
好在冇事，你要多啲同佢收甲，做吓treatment。。比返多啲時間呀喪B喇。。。btw個名一定係你改架喇
回覆刪除[田鼠b回覆07/05/2013 12:18:22]嚴格黎講個名其實係佢自己改既.
因為如果佢唔夠喪, 我又點會諗到呢個名呢...
上半段真係一路睇一路擔心，雖然我無養過寵物，但都明白牠們同BB一樣，都係好值得人錫。
回覆刪除好彩，原來係未剪腳甲，田鼠媽，真係比你嚇c!
[田鼠b回覆07/05/2013 14:03:37]我都俾佢嚇c呀!!
諗起呢隻咁多年黎帶俾我同屋企人無限歡樂既小狗, 自覺過去呢一年真係忽略得佢好緊要. <-----好有同感, 我都覺得忽略得金仔好緊要, 宜家金仔都唔係好彩我添啵, 唉~
回覆刪除[田鼠b回覆07/05/2013 14:29:22]茶飯不思咁嚴重? 咁聽落佢地好好感情呀!
喪b兩姊弟就無咁情深lu...聽我阿媽講, 只有我在場既時候喪b先至會錫田鼠b...
[愛美媽媽回覆07/05/2013 14:23:26]好彩..金仔雖然驚小b, 但係佢兩兄妹都算ok架. 有時如果小b跟左我返屋企幾日無返婆婆度, 金仔會茶飯不思, 之後一見面兩個仲會即刻咀咀, 好攪笑~
[田鼠b回覆07/05/2013 14:04:32]好彩喪b見到我地仲係咁熱情! 不過佢超唔鍾意田鼠b囉...
我娘家都有隻養左8年o既狗, 以前佢係一家人o既歡樂大使自從阿b出世就被人打入冷宮, 我坐完月搬走我阿爸阿媽更加少理佢, 每次返娘家見到佢都有d心痛. 到阿b宜家大左成日走去豆佢玩, 點知佢識小氣吾妥阿b(明明佢平時好中意同任何人玩), 真係吾知佢地2個幾時先破到冰.
回覆刪除[田鼠b回覆07/05/2013 17:03:48]狗狗應該知道自己因咩原因由寵兒變棄犬...要破冰可能需要多一段時間...希望隻狗狗仲等得切啦. 我有個朋友既兩隻狗仲慘, 自從bb出世後, 就一路運住佢地喺騎樓, 佢話係個bb驚狗喎...
嚇C 人了~
回覆刪除[田鼠b回覆07/05/2013 17:05:10]好彩有驚無險啫
好彩無事, 希望喪b長命百歲, 起碼等埋田鼠b娶老婆先:P
回覆刪除[田鼠b回覆07/05/2013 21:56:11]我都想佢做狗瑞!
嘩, 12歲真係好大年紀呀.. 希望佢平安無事啦
回覆刪除[田鼠b回覆07/05/2013 21:55:39]係呀, 阿婆級數喇...要教田鼠b敬老先得
12歲真的好大喎....希望佢平安無事啦！
回覆刪除[田鼠b回覆07/06/2013 11:51:51]阿婆黎架, 不過其實佢既樣貌行為表現同細個無分別, 都係周圍跳同胡啲公仔!
原來係指甲太長~
回覆刪除[田鼠b回覆07/06/2013 11:53:04]係囉, 個原因咁簡單好低b呀!
不過都好彩無事!
好彩有驚無險咋
回覆刪除[田鼠b回覆07/07/2013 11:14:05]係, 我實在太大意...應該勤啲幫佢剪指甲
樣子也很生猛，有驚無險。
回覆刪除[田鼠b回覆07/08/2013 09:42:46]而家同之前一樣咁惡, 我個心舒服晒!
你個 subject 嚇C人啦！
回覆刪除[田鼠b回覆07/08/2013 09:43:13]果晚都真係嚇c呀!!
狗狗咁大架啦,希望佢身體健康..
回覆刪除[田鼠b回覆07/08/2013 14:51:25]係呀, 老狗一隻. 下個月同佢擺大壽先!
我細佬都好鍾意跳,不過仔仔就只鍾意"un",好彩剪咗指甲無事,祝喪b身體健康
回覆刪除[田鼠b回覆07/08/2013 14:51:58]想像唔到狗狗可以點un添. 田鼠b就好鍾意un!
嚇C人啦！
回覆刪除咁你快D勤力D幫佢修甲啦！
[田鼠b回覆07/09/2013 09:57:33]你有所不知...幫喪b剪指甲好容易心臟病發(佢同我都係!)...因為佢勁憎剪指甲, 我又好驚剪到佢流血...
係呀, 狗仔如果有事, 真係會好驚同好擔心，我之前隻Chihuahua都係咁..(不過佢上咗天堂lu)..祝喪B快快樂樂, 身體健康。
回覆刪除[田鼠b回覆07/09/2013 10:18:18]多謝! 呢個係養寵物既必經階段...我都希望佢長命百歲呀!