沙田文化博物館 + 科學園

今日突然醒起, 上個星期六去左沙田博物館玩都未寫blog.
好明顯俾yahoo事件打亂左心情...

果日我地朝早10點到達博物館.
已經見到門口好多公公婆婆喺度排隊.
初時仲以為佢地都係李小龍fans, 點知原來果日咁啱有粵劇睇.

當我喺門口張望時, 有位小姐好主動咁走埋黎問有咩幫到我.
原來我地有博物館pass, 唔洗買飛就入得場.
仲可以免費睇埋李小龍展, 不過就要去左counter換飛先, 每張飛仲有時段限制.

小龍叔叔呀!

將軍!

俾個6我!

啲本地發明既玩具好似唔太啱田鼠b心意

都算多野玩

除左地下既兒童遊戲室外, 呢段時期喺一樓仲有個叫"藝想天開"既展覽.
有得打鼓, 著西裝影相, sir 滑梯, 等等, 都幾特別.
室外果個section就因天雨關係無開.

打鼓打得好開心

衣不稱身

除左件外套有啲不羈feel...

呢個最多人玩, 可能因為有得坐

事後聽朋友講, 咁多個博物館, 呢度算係最啱小朋友玩既. 

鏡頭一轉, 我地就去左科學園, 又係貪呢度無乜人同方便泊車.
任何消費都可以免費泊車4小時, 同elements有得揮, 不過當然, 要喺度留4個鐘難度唔細.

有位小朋友食飯好唔乖, 超扭計.
間新開日本餐廳既target customer應該係雀仔, 我地食完成個set好似食左空氣咁.
再加上無乜冷氣, 仲有田鼠b咁既表現, 我就愈食愈"興". 

曳

海傍長廊好闊好大, 不過呢日個天好濛

bb車prison break

你睇佢個得戚樣

企定定影相扮乖

呢度任何地方都開揚到可以隨意俾田鼠b奔跑

第時等田鼠b大個啲, 帶佢過黎踩單車先!

上左車瞓

鏡頭又轉, 我地去左屯門v-city!
途中大雨到擋風玻璃都睇唔清, 有小小驚...
聽聞呢個新開既商場無乜人, 點知其實同尖沙咀既人流差唔多.

兩個饑餓既人, 被廣告牌上既滷水雞翼吸引左, 走左去羅麥記

等食中既田鼠b

結果聞名不如見面. 佢既炒蛋好味過雞翼多多聲.