郊遊 - 嘉道理農場

早兩個禮拜我地已經想去嘉道理農場, 不過問清楚原來泊車要預先book位.
打電話去一book就book到啱啱呢個星期日先有位.
好彩呢日朝早好清涼, 啱晒行山!
(去到發現果度原來得唔夠10個車位, 好彩book定啫.  泊車唔洗錢, 入場費$20位.)

入左場, 食番個早餐先.
入面間餐廳係有機素食, 食物選擇不多.
我地10:00am去到, 佢已經話muffin得番兩隻!
拿拿臨要番隻, 原來都幾好味, 口感同味道都有啲似粟米cake.

個鬆餅有幾好味, 睇下啲雀仔就知
(不過其實佢地食得咁狼, 近睇幾恐怖下...)

張high chair好高好重...坐喺上面既田鼠b高高在上咁指揮大局...

其實係想撩雀仔

坐坐下發覺周圍有啲蟲仔飛, 呢度果然係大自然呀.
即刻幫田鼠b同自己搽花露水先.
至於連蚊蟲都唔吼既田鼠爸, 就可以慳番呢重工夫.

食飽我地即刻衝去睇肥豬 (驚晏左佢地走晒去瞓覺!).

好可愛既大花豬呀!
6隻齊晒喺度, 你認唔認到邊隻打邊隻呢?

外形無咁討好既野豬

神秘既蝙蝠

溫馴既鹿 (我估係鹿卦)

呢度啲路唔算難行

不過田鼠b都一時忘形企唔穩

見我影相又想踎低 (不過呢度斜路黎架, 要小心溜後)

望住溪澗入晒神 (所有水既物體, 田鼠b都稱之為"瀑布")

棵樹令我諗起阿凡達

啲山路被樹木包圍住, 行得好舒服

坐低食啲菠蘿乾叉個電先

媽咪, 呢舊咩黎架? 驚驚呀

蓮花池

最後, 山長水遠黎到所謂既馬騮樂園.
點知, 要喺條隙仔先睇到兩隻馬騮仔咁大把...

其實呢個農場我地未行晒.
不過由於時間關係, 我地要搵地方食野, 所以都係決定離開....

出發去下一站.