過大海

話說.

上文提到田鼠b連抱都唔肯俾我抱.

望海思過中...

咪儍啦.

我而家唯有勸自己唔好再妄想田鼠b會一世黐我.

趁佢暫時仲飛唔出我五指山, 好好珍惜呢幾年.

**********

禮拜六係朋友喺銅鑼灣間舖頭開張既好日子.

如果無記錯, 呢次係我第一次單獨帶田鼠b去咁遠.

好彩佢都表現正常, 無乜扭計.

朋友準備左好豐富既到會美食.

田鼠b都好俾面, 食左好多.

嚴格黎講佢係不停食, 食到個肚腩仔突晒出黎都唔肯停.

都好既, 果度無野啱佢玩, 佢唔食野我驚佢悶親呀.

每盤食物都被田鼠b寵幸過

後來田鼠爸黎左join我地.
我地帶田鼠b過隔離既timesquare食飯 (估唔到佢仲食得落).
再去page one行下.
佢個兒書session好好行, 又闊落.
有小小相逢恨晚既感覺!
門口附近就係育嬰室, 巧方便.

又嘗試埋堆

將啲書搬黎搬去

後來去埋附近既誠品 (第一次去香港呢間分店咋).

佢有三層咁多, 但個兒童session都頗細 (仲要水牌無寫分類, 我地要逐層搵).

佢有好多中文書啲印刷比本地精美好多, 公仔都得意啲.

不過我揭左幾本, 都係中文字隔離印埋個台灣拼音, 睇到眼花, 買唔落手...

行左一陣, 田鼠b遇到個大佢小小既哥哥.

兩個對望幾秒, 哥哥攬佢, 佢就推開人 (佢而家學識推人喇...).

哥哥俾本書佢, 佢拎左.

當哥哥再喺枱面拎多本書, 田鼠b突然坐左喺地下.

哈哈, 佢想同個哥哥一齊坐喺地下睇書, 好似喺page one 果啲細路咁呀!

不過現場環境唔容許, 因為啲通道實在太逼狹喇...