家長聚會

田鼠b讀緊既n班係全日制.
由開學頭一個禮拜既個零鐘, 慢慢加上黎.
理論上前兩個禮拜已經開始返全日.
不過我地見佢之前請左d病假, 成日都要重新適應.
等到今個禮拜先開始俾佢返全日.


第一日, 我特登下晝請左假.
諗住佢如果發起癲上黎唔肯午睡, 學校打黎我都可以即刻去接佢.
點知等呀等, 一路都無電話.
接佢放學時, 老師同我講話佢好叻, 好快就訓著.
哈, 真係估唔到佢咁就適應左!
不過呢日佢瀨濕左, 要學校幫佢換衫...

******
禽日學校攪左個家長聚會, 同校長老師各家長交流下.
原本45分鐘既聚會, 變左差唔多兩個鐘, 失晒預算.

不過八成時間都係講佢地啲仔女唔肯食野既問題.
田鼠b無呢方面既問題.
所以我無乜共鳴, 有啲悶.
但當故仔咁聽, 都幾歎為觀止架.

其中一個case既小妹妹, 淨係食麵, 麵包, 薯蓉, 節瓜, 同靚既肉.
米粉, 飯, 麥皮, 菜, 肉, 全部都唔食,
一塊靚既肉, bbq完, 擺落口嚼幾啖肉汁, 然後就會lur返出黎, 餵狗 (!).
個阿媽仲話每逢放假要周圍帶佢去食好野.
聽完真係OMG...佢屋企隻狗都好好口福.
學校日日唔同餐單.
如果果餐唔啱食, 就真係一啖都唔肯食.
朝早仲會識得同嫲嫲講"我今日返學都得, 不過我唔食飯架".
n班學生? negotiation?
我諗過多一年田鼠b都未必識咁講野. wahahahahaha.

參加左聚會既小朋友似乎多數都戒左片.
呢方面田鼠b真係要努力啲喇.
不過校長話, 學校都會幫手戒, 適當時候會俾佢除左條片試下.
咁睇黎我要擺多幾套衫落佢個書包先得.

老師就話佢識得主動要求老師俾水佢飲.
(飲飲食食先係佢強項)