一歲半健康院打針

禽日下晝田鼠b要番健康院打針 (今次係打白喉四合一), 我同田鼠爸呢日都放假.

一家三口朝早去左行公園.

 

媽咪, 我地去果邊呀!

嗯...呢塊叫樹葉...

我要奔向媽媽!

又踎喇...

示範緊點打波

以為行到攰既田鼠b番到屋企可以nap 一nap.
點知佢唔知係咪玩得太興奮, 喺屋企死唔肯瞓.
去健康院途中終於頂唔住瞓著左.

去健康院途中

不過瞓左唔夠10 分鐘, 田鼠b就要被叫醒.
因為我地好快到左健康院, 佢要除剩片黎磅重 (明明記得一仔媽話可以淨係除鞋企上去磅架..).
呢日既健康院好多人, 好多bb睇, 感覺好得意!

見姑娘果陣, 即場要考搭積木, 餵公仔食野, 指出身體部位....
不過田鼠b語言唔pass, 兩歲要再番多次 (又有得放假陪佢玩, 好野!).

之後等打針果陣, 咁啱撞到個朋友仔, 佢地係同年同月出世既bb.
一併埋去, 田鼠b個頭好似細好多...哈...

同朋友仔影張相留念先

入到打針房, 啲姑娘好醒目, 未打已經不停咁讚佢叻仔, 好勇敢之類...我覺得好好笑.
讚到田鼠b飄飄然, 所以佢真係無喊到! 臨走時仲同兩個姑娘byebye兼飛吻.
不過田鼠爸就話佢眼紅紅 (我因為抱住佢, 角度問題睇唔到).

再拎埋退燒藥, 同約埋兩歲期就走得.