上星期五
出新招.
擺左架車仔喺佢褲袋, 同佢講有車仔陪佢返學, 諗住等佢安心啲.
點知一樣喊.
婆婆接既時候唔見架車仔, 問佢喺邊, 佢話"開走左".
好彩返轉頭搵得番.
好喇到今個星期喇...
星期一
朝早唔願換校服, tum左好耐.
呢日我負責帶佢返, 去到課室門口佢就開始喊, 大大力拉我走.
個樣凄慘到好似去行刑咁!
之後我好狠心咁交左佢俾老師就走左.
但個心有啲唔安樂, 覺得自己可以handle得好啲.
果刻我決定, 第二朝要學汪培珽咁發揮三吋不爛之舌, 講道理講到佢唔喊先走 (握拳狀).
星期二
呢日朝早出門口前阻力更大.
唔肯換校服, 仲講到明"唔返學校".
我緊記前一日既決定.
但問題係, 自己詞窮, 唔知講咩好 (點解要返學? 點解要聽老師話? 我其實都講唔出...).
不過都有盡人事講下野...
哈, 估唔到佢真係無喊喎!
雖然我唔肯定係唔係自己做啱左啲乜, 定根本佢自己開始適應左.
總之佢呢日同星期三送同接都無再喊.
-------
在此, 我要多謝一個人 -- 柯柏文先生
唔係佢, 每朝未必出到門口.
田鼠b拎住張變形金剛單張 好投入咁講佢要講既野 "好人", "壞人", "揸住劍"... |
每朝(兼每晚)要黎探下呢班柯柏文之友安撫心靈 |
為左日日返學前探佢地 要預早15分鐘出門口 (慈母唔易做) |
到左今日星期四...
田鼠b又病了 (咳+發燒), 唉...
今次應該係俾同學仔惹到.
朝早睇左醫生, 在家休養中.
見佢啱啱好番無耐又病過, 既無奈又心痛.
診所巧遇另一位媽媽, 佢個5歲仔同田鼠b志趣相投, 對變形金剛都有深度認識.
好彩我袋住兩份變形金剛單張, 佢同田鼠b唔洗爭一人一份.
田鼠媽你好恨心呀...竟然可以將爆喊緊嘅田鼠b交俾老師之後就走, 如果俾著係我, 我應該唔忍心囉~
回覆刪除不過你都好有辦法, 竟然咁快就可以令到田鼠b肯返學仲唔喊添, 勁!!
最毒婦人心
刪除田鼠媽,一定係你甜言蜜語溶化鼠B,真係可歌可泣!
回覆刪除趁青衣城嘅展覽未完,快啲去搵啲PR斟吓點樣買隻返屋企供奉,以保你一家老少平安,等我等日入嚟探你都仲有得睇!以表支持,我代表我家幫補你$10
係整個地球既人類都靠晒佢地班友架.
刪除不如我地一人一隻咁供奉啦
係未每朝每晚見到变形金刚,所以無喊呢?
回覆刪除同一仔換衫穿鞋,就算去街,我地都遇到抗拒,我地唔会氹,因知無用,会直接用”强”的!
一仔都係学校中了招,無返学兩天,真無諗过咁快咁易中招呢!
希望田鼠B快d好番再返学及再见变形金剛。
咁就大鑊, 個展覽做埋今個星期日咋!!!
刪除原來一仔都中招. 睇黎個傳言"返左學仲易病"非虛
唉,病真係快d 遠離我地啦。 hannah 又病過, 好pk!!!!
回覆刪除我地一齊問下個天, 病完未?
刪除可能要擺番個風水轉一轉運先得!!
刪除買個八卦鏡擋下煞
刪除咁快又中招,真係聽見都替佢辛苦,好返要打返多D波操返fit D呀﹗
回覆刪除你轉移視線呢招似乎都work喎,記得襯個展覽完之前諗定仲有咩可以畀佢寄托吓呀
禽日一睇完醫生佢已經話要去射籃
刪除個展覽今個星期日完喇. 田鼠b啱啱適應返學就請病假. 睇怕下個星期都係要由頭黎過...驚驚 ~X(
或者你話收埋咗D寶物or佢like嘅嘢喺學校陪佢,叫佢返到學校搵吓等佢有D動力返去啦
刪除我驚佢聽唔明 :))
刪除三吋不爛之舌果然有用!!! 向你致敬!!!
回覆刪除works like magic :7
刪除返左學真係好易病, 希望快D無事啦~
回覆刪除HAHA, 田鼠ma你好有心機諗下點氹仔~ 勁呀~
都係全靠柯生佢咁幫得手咋
刪除你好識做呀, 袋兩份柯先生單張等阿仔個同道中人都有得分享 :)
回覆刪除咁啱有兩份咋! (好明顯成日攞)
刪除哈哈....田鼠b 真係柯生fans 啊,你快d 買件柯生衫比田鼠b 啦~~~
回覆刪除三舊水一件tee, 唔捨得... :P
刪除柯柏文先生又的確係幾吸引既, 上次我經過都有幫柯柏文先生自拍左張個人照heeee
回覆刪除哈哈, 有無去埋德福影bumblebee?
刪除學汪培珽咁發揮三吋不爛之舌, 講道理講到佢唔喊先走 <--我都試過,不過行動失敗
回覆刪除講道理難過打同鬧呀!
刪除原來柯柏文有咁o既重要性~~~
回覆刪除希望田鼠b要堅強又健康丫!!!
真係無野緊要得過小朋友健康...
刪除佢病緊時個心都實左
原來個個都係一返學就病呀...希望大家都身體健康, 病少D啦~
回覆刪除