離遠望到呢個摩天輪 |
田鼠b即刻話"坐呢個! 好似dora姐姐".
原來佢至愛既dora姐姐其中一個故事有提過.
行之前要補充體力, 喺IFC"正斗"食個lunch先.
田鼠b食量驚人, 又飯又麵又腸粉.
臨尾問佢飽未, 佢竟然話未飽.
但佢呢期成日玩野, 答案不能當真.
(btw, 呢度既紅豆沙好正! 望落以為好稀, 點知食落啖啖沙, 而家諗起都流口水...)
跟住過隔離dymocks行下.
好欣賞佢既兒童session, 睇得出佢賣啲野都經過精挑細選, 又夠體貼有櫈俾人坐.
.
田鼠b睇緊佢既另一至愛 - gruffalo |
睇左一陣書再去斗斗城.
咁啱有汽球派喎.
咁啱有汽球派喎.
職員哥哥問佢要咩色, 佢九唔搭八答"please". haha...
不過哥哥都特登揀左個男仔啲藍色既俾佢.
最後買左一個水樽, 同啡色泥膠 (我終於唔洗再食藍色牛扒喇!).
行完, 當然又係補充體力時候.
最後買左一個水樽, 同啡色泥膠 (我終於唔洗再食藍色牛扒喇!).
行完, 當然又係補充體力時候.
找亮點 |
無錯, 就係個波 佢驚人搶左去咁, 攝左落自己衫領先飲野 飲筒啜唔到, 連個底都唔放過 |
飲飽食醉又黎大爺坐 |
我地跟住過埋附近既三聯.
雖然佢既兒童session弱左小小.
但田鼠b都好自在咁攞左本"飛機總動員"自己坐喺地下睇.
睇睇下, 佢突然話要"返屋企痾臭臭", 殺我地一個措手不及.
未戒到片既佢, 不嬲隨時隨地話痾就痾既, 而家竟然指定要返屋企?!
唔通佢開始懂性, 臭臭需要privacy?
好啦, 拿拿臨帶佢去IFC個靚靚育嬰室, 睇佢去唔去到啦.
但等左差唔多10分鐘都無料到, 決定出返去先.
點知一行出去佢就話要入返去, 但已經有第二個bb同媽媽入左去喇.
咁啱見到隔離個殘廁都有塊換片板, 就帶佢入去試下啦.
雖然果度冷氣好充足, 但環境麻麻, 我都周身唔自在, 唔明點解有人會揀喺果度"gathering"...
而田鼠b最終都係辦唔到事.
E...似乎田鼠b應該好快可以戒到片喇啵~
回覆刪除但佢唔肯喺人前臭臭喎...
刪除哈哈,你個 gathering comment 好搞笑!
回覆刪除田鼠b 叻叻, 臭臭緊係要返屋企痾啦,出面咁污糟
睇黎你對香港既時事都跟得幾貼
刪除哈,今次”辦事不力”啊,係未因为唔係”屋企”呀?下次加油!
回覆刪除平時佢喺街都去到架. 今次唔知做乜...
刪除我終於唔洗再食藍色牛扒喇-> 笑左~
回覆刪除有時tarebaby突然面色一變, 我以為佢臭臭, 拎晒野去餐廳toilet (唔太OK), 原來係小便, 我就話返屋企先換片片, 都要tum一輪嫁, 有時真係大人知dirty, 小朋友唔知, 好煩...
小便都會面色一變? 咁咪好難分佢大定細囉? =))
刪除出到街我既至愛係elements既廁所, 簡直係一流享受...
其他商場或者普通餐廳有啲真係慘不忍睹架
haha大個仔, 開始又有自己私隱啦...或者鐘意返屋企慢慢痾....
回覆刪除咁最後佢忍到返屋企先痾??
係囉, 開始麻煩喇. 最後返屋企食完晚飯先痾...
刪除睇來距離戒片又踏前咗一步喎
回覆刪除真係唔太sure...希望快啲戒到啦!
刪除